Seðlabanki Íslands hefur framlengt til 10. desember nk. áðurgefinn frest til Sparisjóðabanka Íslands hf. til að leggja fram auknar tryggingar vegna óvarinna verðbréfa sem Sparisjóðabankinn hefur í veðlánunum hjá Seðlabankanum og útgefin voru af Glitni, Kaupþingi og Landsbanka. Krafa um auknar tryggingar nemur um 60 milljörðum króna. Sparisjóðabankinn leitar samninga við Seðlabankann og/eða ríkissjóð vegna kröfunnar auk þess sem viðræður standa einnig yfir við erlenda lánadrottna bankans.
Vegna endurmats Seðlabankans á óvörðum verðbréfum
| Source: Sparisjóðabanki Íslands hf.