FAST-1 slhf. - Samkeppniseftirlitið samþykkir kaup Regins hf. á eignasafni FAST-1.
Þann 18. maí 2018 var undirritaður kaupsamningur á milli Regins hf. og FAST-1 slhf. um kaup Regins hf. á öllu hlutafé dótturfélaga FAST-1 slhf., HTO ehf. og FAST-2 ehf. Kaupsamningurinn var m.a. gerður með fyrirvara um samþykki Samkeppniseftirlitsins.
Samkeppniseftirlitið hefur nú birt niðurstöðu sína, en samkvæmt henni telur Samkeppniseftirlitið að kaup Regins hf. á ofangreindum félögum feli í sér samruna í skilningi 17. gr. samkeppnislaga nr. 44/2005. Samkeppniseftirlitið telur ekki ástæðu til að aðhafast frekar vegna samrunans.
Líkt og fram kom í tilkynningu FAST-1 slhf. þann 7. júní sl. mun skuldbréfaflokkurinn FAST-1 12 1 verða greiddur upp að fullu í samræmi við skilmála skuldabréfsins við lúkningu viðskiptanna. Uppgreiðslan mun eiga sér stað í tvennu lagi. Annars vegar mun um helmingur af eftirstöðvum skuldabréfaflokksins verður greiddur upp við afhendingu eignasafns FAST-1 til Regins hf. Hins vegar verða allar eftirstöðvar skuldabréfaflokksins greiddar upp í kjölfar afhendingar eignasafnsins til Regins hf., en gert er ráð fyrir að þessi síðari greiðsla eigi sér stað um átta vikum eftir afhendingu.
Nánari upplýsingar um uppgreiðslu skuldabréfaflokksins verða birtar þegar endanlegri fjármögnun Regins hf. vegna viðskiptanna er lokið.
Nánari upplýsingar veita:
* Kjartan Smári Höskuldsson, stjórnarformaður FAST-1 slhf. í gegnum netfangið kjartan@islandssjodir.is eða símanúmerið 844 2950.
* Gísli Reynisson, framkvæmdastjóri FAST-1 slhf. í gegnum netfangið gisli@contra.is eða símanúmerið 856 5111.