Afkomufrétt
20. febrúar 2007.
Afkoma Icelandair Group 2006
Hagnaður Icelandair Group fyrir skatta 3,1 milljarðar króna
Helstu niðurstöður uppgjörs Icelandair Group:
Hagnaður Icelandair Group fyrir skatta 2006 var 3,060 milljarðar króna
Hagnaður Icelandair Group fyrir fjármagnsliði og afskriftir (EBITDA) var 6,058
milljarðar króna
EBIT nemur 3,326 milljörðum og eykst um 28% frá síðasta ári
Hagnaður eftir skatta 2,615 milljarðar króna
Heildartekjur fyrirtækisins voru 56,1 milljarðar króna-23% aukning frá 2005
Afkoma 4. ársfjórðungs neikvæð um 555 milljónir króna
Icelandair Group skráð í Kauphöll Íslands í desember 2006
Icelandair stærsta fyrirtæki samstæðunnar með um 52% af tekjum félagsins
Eiginfjárhlutfall 34%
Handbært fé frá rekstri 6,4 milljarðar króna
Eignir 76,6 milljarðar króna í árslok 2006
Jón Karl Ólafsson forstjóri Icelandair Group segir: "Rekstur samstæðunnar gekk
mjög vel á árinu 2006 og afkoma var nokkuð betri en áætlanir okkar gerðu ráð
fyrir, og sú besta í sögu félagsins. Það er sérstaklega ánægjulegt nú þegar
félagið hefur verið skráð í Kauphöll Íslands og er orðið almenningshlutafélag að
geta kynnt nýjum hluthöfum góðan hagnað af starfseminni. Árangurinn byggir fyrst
og fremst á frábæru og samhentu starfsliði og mikilli reynslu og þekkingu, sem
við náum að nýta okkur til að ná góðum árangri. Við gerum ráð fyrir
áframhaldandi vexti fyrirtækisins á næstu árum. Horfur eru almennt góðar og
spár gera ráð fyrir vexti í atvinnugreininni. Útlitið er því gott og við ætlum
okkur að gera enn betur á árinu 2007."
