Afkoma Landsvirkjunar árið 2006 Ársreikningur Landsvirkjunar var í dag, þann 12. mars 2007 samþykktur á fundi stjórnar. Á árinu 2006 var hagnaður af rekstri samstæðu Landsvirkjunar 3.503 milljónir króna. Í árslok námu heildareignir fyrirtækisins 243,2 milljörðum króna og var eiginfjárhlutfall 25,1%. Ársreikningur Landsvirkjunar byggir á kostnaðarverðsreikningsskilum og er gerður eftir sömu reikningsskilaaðferðum og árið áður. Helstu stærðir ársreiknings eru (í milljónum króna): SAMSTÆÐA 2006 2005 2004 2003 Rekstrartekjur 21.298 15.552 13.701 13.009 Rekstrarkostnaður: Rekstrar- og viðhaldskostnaður 6.378 5.913 4.691 4.498 Afskriftir 5.131 4.904 5.347 5.274 Rekstrarkostnaður alls 11.509 10.817 10.038 9.772 Rekstrarhagnaður 9.789 4.735 3.663 3.237 Fjármunatekjur og (fjármagnsgjöld) (26.201) 1.596 3.532 (1.686) Hagnaður (tap) fyrir skatta (16.412) 6.331 7.195 1.551 Tekjuskattur 19.863 Hlutdeild minnihluta 52 (37) 0 0 Hagnaður 3.503 6.294 7.195 1.551 Eignir samtals 243.219 181.985 154.685 134.528 Eigið fé 61.107 58.003 51.377 41.180 Hlutdeild minnihluta 1.668 1.720 0 0 Skuldir 180.444 122.262 103.308 93.348 Handbært fé frá rekstri 9.643 5.927 4.622 5.601 Fjárfestingar 45.382 28.582 20.897 16.877 EBITDA 14.920 9.639 9.010 8.512 Eiginfjárhlutfall 25,1% 31,9% 33,2% 30,6% Hagnaður lækkaði samtals um 2.791 milljónir króna miðað við fyrra ár. Aukning rekstrartekna var að verulegu leyti vegna hækkunar á orkuverði til stóriðju. Rekstrarkostnaður án afskrifta nam 6.378 milljónum króna en var 5.913 milljónir króna árið áður. Fjármagnsgjöld umfram fjármunatekjur námu 26.201 milljónum króna sem skýrist aðallega af gengistapi af langtímalánum. Gengistapið er að mestu leyti óinnleyst og verður að hafa það í huga við mat á afkomu fyrirtækisins. Gengistap langtímalána skýrist aðallega af lækkun á gengi íslensku krónunnar á árinu. Meðalnafnvextir langtímalána voru um 4,6% á árinu 2006 en þeir voru um 3,5% árið áður. Í árslok 2006 voru 82% langtímalána í erlendri mynt. Raforkufyrirtæki hafa verið undanþegin tekjuskatti en í samræmi við lög nr. 50 frá árinu 2005 urðu fyrirtækin skattskyld frá og með 1. janúar 2006. Reiknuð skatteign Landsvirkjunar hefur verið tekjufærð í ársreikningnum og nemur hún 19.862 milljónum króna í árslok 2006. Á árinu 2003 hófust virkjunarframkvæmdir við Kárahjnúka í framhaldi af gerð orkusölusamnings við Fjarðaál, dótturfélag Alcoa. Þar verður reist 690 MW aflstöð og jafnframt lagðar flutningslínur til Reyðarfjarðar. Stefnt er að því að fyrsta vél virkjunarinnar af sex verði gangsett í júlí 2007. Nánari lýsing á framkvæmdum er að finna á heimasíðu virkjunarinnar www.karahnjukar.is. Í árslok 2006 nam byggingarkostnaður Kárahnjúkavirkjunar samtals 88,8 milljörðum króna, þar af var framkvæmt fyrir 33,4 milljarða á árinu. Byggingakostnaður flutningsvirkja nam 9,1 milljörðum króna. Horfur um rekstur Landsvirkjunar eru góðar fyrir árið 2007. Fljótsdalsstöð verður tekin í notkun á árinu og munu tekjur af raforkusölu til stóriðju auka heildartekjur fyrirtækisins umtalsvert. Gengisþróun mun þó eftir sem áður ráða miklu um afkomu ársins. Landsvirkjun hefur ákveðið að leggja aukna áherslu á útrás og hefur í því skyni stofnað sérstakt dótturfélag, Landsvirkjun Invest ehf. Gert er ráð fyrir að hlutafé fyrirtækisins verði 4 milljarðar króna. Nánari upplýsingar veitir Stefán Pétursson, framkvæmdastjóri fjármálasviðs, í síma 5159000. Ársreikningur Landsvirkjunar verður lagður fyrir aðalfund fyrirtækisins 26. apríl nk.