Um mánaðarmótin júlí - ágúst 2006 var gerð formbreyting á Rafmagnsveitum ríkisins. RARIK ohf yfirtók allar eignir og skuldbindingar þeirra þann 1. ágúst 2006. Fyrsta rekstrarár RARIK ohf er því fimm mánuðir, frá 1. ágúst til 31. desember. Ársuppgjör 2006 Rafmagnsveitur ríkisins RARIK ohf og RARIK ohf samtals: 2006 2006 ág-des jan-des Lykiltölur úr rekstri (mkr.) Rekstrartekjur: 2.838 6.673 Rekstrargjöld: -3.007 -6.070 Rekstrarhagnaður/tap fyrir afskriftir: -169 603 Afskriftir: -346 -901 Rekstrarhagnaður/tap án fjármagnsgjalda: -515 -298 Hreinar fjármunatekjur/ (fjármagnsgjöld): -10 -510 Hagnaður/tap fyrir skatta: -525 -808 Tekjuskattur 144 1.595 Hagnaður/tap tímabilsins: -381 787 2006 31.des Lykiltölur úr efnahagsreikn. (mkr.) Eigið fé: 14.184 Niðurstaða efnahagsreiknings: 23.039 2006 ág-des Helstu kennitölur: Veltufé frá rekstri (mkr): -125 Handbært fé frá rekstri (mkr.): 954 Veltufjárhlutfall: 0,42 Eiginfjárhlutfall: 0,62 Fjöldi starfsmanna í lok tímabilsins var: 215 Þróun eigin fjár Rafmagnsveitna ríkisins og RARIK ohf 2002-2006 2002 2003 2004 2005 2006 Eigið fé (mkr.) 10.860 10.527 10.782 13.174 14.184 Reikningsskilaaðferðir: Fyrsti ársreikningur RARIK ohf, sem gildir fyrir tímabilið 1. ágúst til 31. desember 2006, er gerður í samræmi við lög um ársreikninga og reglugerð um framsetningu og innihald ársreikninga. Hann byggir á kostnaðarverðsreikningsskilum. Afkoma: Rekstrartekjur RARIK ohf. frá 1. ágúst til ársloka 2006 námu 2.838 milljónum kr. Rekstrartekjur Rafmagnsveitna ríkisins á tímabilinu 1. janúar til 31. júlí 2006 námu 3.835 milljónum kr. Til samanburðar námu rekstrartekjur Rafmagnsveitna ríkisins 7.511 milljónum á árinu 2005. Tap RARIK ohf. á tímabilinu nam 381 milljónum kr. Þar af var gjaldfærð lífeyrisskuldbinding vegna breytinga á forsendum uppgjörs við Lífeyrissjóð opinberra starfsmanna 525,2 milljónir. Hagnaður Rafmagnsveitna ríkisins á tímabilinu 1. janúar til 31. júlí nam 1.168 milljónum kr. Samkvæmt efnahagsreikningi 31. desember 2006 námu heildareignir 23.039 milljónum kr. Heildarskuldir voru 8.855 milljónir og eigið fé 14.184 milljónir. Eiginfjárhlutfall í lok tímabilsins er 62 % í árslok 2006. Dótturfélög: RARIK ohf. á stóran hlut í tveimur hlutafélögum, sem stundað hafa undirbúning virkjanaframkvæmda undanfarin sjö ár. Eignarhlutur í Héraðsvötnum ehf er 50% (30 milljónir), en Norðlensk orka ehf á 50%. Endurskoðunarskrifstofa KPMG er endurskoðandi Héraðsvatna ehf. Eignarhlutur í Sunnlenskri orku er 90% (72 milljónir), en Eignarhaldsfélag Hveragerðis og Ölfuss á 10%. Endurskoðunarskrifstofa Deloitte&Touche er endurskoðandi Sunnlenskrar orku ehf. Eignarhlutur í öðrum félögum: Eignarhlutur RARIK í öðrum félögum er samtals rúmar 1.362 milljónir kr. Þar af er hlutur í Landsneti hf kr 1.329 milljónir sem er 24,15% eignarhlutur Horfur: Orkusala RARIK hefur nú á árinu 2007 verið sett inn í sérstakt dótturfélag, Orkusöluna ehf. Jafnframt voru 5 af virkjunum RARIK lagðar þangað inn og er Orkusalan ehf. nú í 99,5 % eigu RARIK. Hlutafé í Orkusölunni er 1.219,3 millj. kr. Gert er ráð fyrir því að stækkun Lagarfossvirkjunar sem nú er í byggingu hjá RARIK ohf. verði seld Orkusölunni ehf. síðar á árinu. Samkvæmt áætlunum Orkusölunnar ehf. verður afkoma hennar neikvæð á fyrsta ári. Horfur á afkomu RARIK ohf. eru góðar og gert ráð fyrir að hagnaður verði af starfseminni.