Baugur Group hefur keypt allan eignarhlut félaganna Talden Holding S.A. og Orchides Holding S.A., í eigu Pálma Haraldssonar og Jóhannesar Kristinssonar. Um er að ræða kaup á 26,3% eignarhlut í Högum og er hlutur Baugs Group í félaginu því orðinn 95%. Þá eru þau 5% sem eftir eru í fyrirtækinu í eigu félagsins sjálfs og starfsmanna. Kaupin miðast við 28. febrúar síðastliðinn. Pálmi og Jóhannes, sem báðir voru stjórnarmenn í Högum, hafa við þessi tímamót látið af stjórnarsetu í Högum.