Ársreikningar Ísafjarðarbæjar fyrir árið 2006 var staðfestur af bæjarstjórn 3.
maí 2006 við síðari umræðu. Samkvæmt sveitarstjórnarlögum skal fjalla um
ársreikninginn á tveimur fundum í sveitarstjórn og var fyrri umræða 26. apríl
sl.
Nýjar reglur um reikningsskil sveitarfélaga tóku gildi í ársbyrjun 2002 og er
ársreikningurinn í samræmi við þær. Í reglunum felst að reikningsskil
sveitarfélaga eru færð til samræmis við almenn reikningsskil fyrirtækja.
Rekstrareiningar sveitarfélagsins skiptast í A-hluta (sveitarsjóður) og
B-hluta. Til A-hluta telst starfsemi sveitarsjóðs sem að hluta eða öllu leyti
er fjármögnuð með skatttekjum eða aðalsjóður, eignasjóður og þjónustustöð. Til
B-hluta teljast fjárhagslega sjálfstæð fyrirtæki/stofnanir sem fjármagnaðar eru
með þjónustutekjum en þau eru: hafnarsjóður, vatnsveita, dvalar- og
hjúkrunarheimili, fráveita, Funi sorpbrennslustöð og Fasteignir Ísafjarðarbæjar
ehf.
Ársreikningurinn ber það með sér að niðurstaða reksturs varð lakari en gert var
ráð fyrir í fjárhagsáætlun ársins. Tekjur urðu 6 millj.kr. lægri og útgjöld 29
millj.kr. lægri. Skatttekjur urðu 1.521 millj.kr. eða 51 millj.kr. hærri en
áætlað var. Laun voru 1.188 millj.kr. almennur rekstrarkostnaður 852 millj.kr.,
áfallnar lífeyrisskuldbindingar og afskriftir 264 millj.kr. og nettó
fjármagnskostnaður 284 millj.kr.
Ársreikningurinn er birtur á heimasíðu Ísafjarðarbæjar www.isafjordur.is undir
slóðinni fjármálasvið/ársreikningur 2006. Nánari upplýsingar veita: Þórir
Sveinsson, fjármálastjóri thorir@isafjordur.is og Védís Jóhanna Geirsdóttir,
aðalbókari vedis@isafjordur.is í síma 450 8000.
