Með skiptingaráætlun, dags. 19. des. 2006, lagði stjórn Símans hf. fram tillögu sína um að Símanum hf. yrði skipt í tvö félög á grundvelli 133. gr. l. nr. 2/1995 um hlutafélög. Skiptingin yrði framkvæmd með þeim hætti að til yrði nýtt móðurfélag Símans hf. Nafn móðurfélagsins yrði Skipti hf. og yrði það eigandi að 95% hlutafjár í Símanum hf. Reikningshaldslega miðaðist skiptingin við 31. október 2006. Þann 15. mars sl. var skiptingin samþykkt og færðist hluti af eignum og skuldum Símans hf. í hið nýja móðurfélag, Skipti hf. Í skiptingaráætluninni er kveðið á um að skuldabréf Símans hf., sem skráð er í Kauphöll Íslands, skuli renna inn í Skipti hf. við skiptinguna. Skipti hf. mun því, í samræmi við skiptingaráætlunina verða nýr útgefandi í kauphöllinni og skuldari skuldabréfsins. Fer breyting þessi fram án samþykkis lánadrottna sbr. 1. mgr. 133. gr. l. nr. 2/1995, um hlutafélög. Seinni skipting Símans m.v. 1. nóvember 2006, skv. skiptingaráætlun dags. 19. desember 2006, var einnig samþykkt á hluthafafundi Símans 15. mars sl. Í þeirri skiptingu skiptist Síminn hf. í Fasteignafélagið Jörfa ehf., Mílu ehf. og Símann hf. Meðfylgjandi eru skiptingaráætlanir, nýjar samþykktir félaganna, tilkynning til Fyrirtækjaskrár auk fundargerð hluthafafundar.