Stjórn Lýsingar hf. hefur staðfest árshlutareikning félagsins þar sem helstu
lykiltölur eru eftirfarandi í m.kr.: Sjá viðhengi.
Rekstrarreikningur
Hagnaður Lýsingar, eftir skatta, var 549,9mkr á fyrstu sex mánuðum ársins 2007.
Hreinar vaxtatekjur voru 1.236 m.kr. á fyrstu 6 mánuðum ársins 2007 en þær
voru 940 m.kr. á sama tímabili á árinu 2006 og jukust því um 31,5%.
Efnahagsreikningur
Útlán voru 58.506 m.kr. í lok tímabilsins. Afskriftarreikningur útlána sem
hlutfall af útlánum og veittum ábyrgðum í lok tímabils var 0,81%. Lykiltölur
tímabilsins og samanburðartölur frá árunum á undan sýna góðan vöxt í rekstri
fyrirtækisins. Heildarniðurstaða efnahagsreiknings var í lok timabils 60.810
m.kr.
Eigið fé Lýsingar hf. var í lok tímabils 5.410,8 m.kr. og víkjandi lán 1.357,8
m.kr. Eiginfjárhlutfall reiknað skv. lögum (CAD hlutfall) er 11,49%.
Reikningsskilaaðferðin
Árshlutareikningurinn er gerður eftir sömu reikningsskilaaðferðum og ársskýrsla
félagsins frá 2006, í samræmi við alþjóðlegan reikningsskilastaðal um
árshlutareikninga IAS 34. Árshlutareikningurinn er kannaður af Deloitte hf.
Almennt
Lýsing hf. er dótturfélag Exista hf. Félagið hefur starfsleyfi sem
fjármálafyrirtæki skv. lögum nr. 161/2002. Aðal starfsvettvangur félagsins er
fjármögnun á atvinnutækjum, atvinnuhúsnæði og bifreiðum fyrir fyrirtæki og
einstaklinga með eignaleigusamningum.
Lýsing er þjónustufyrirtæki og starfsfólk þess kappkostar að veita
framúrskarandi þjónustu sem skapar fyrirtækinu það samkeppnisforskot sem það
hefur á íslenskum eignaleigumarkaði. Fjöldi starfsmanna var tæplega 60 í lok
umrædds tímabils og hefur fyrirtækið vaxið mjög síðustu ár.
Forstjóri er Ólafur Helgi Ólafsson.
