2007

Árshlutareikningur Kjalarvogs ehf. fyrir tímabilið jan-júní 2007 hefur í dag,
27. ágúst 2007, verið staðfestur af stjórn og framkvæmdastjóra félagsins.  Sömu
reikningsskilaaðferðum var beitt og árið áður. Kjalarvogur ehf.  er dótturfélag
Húsasmiðjunnar h.f., sem á allt hlutaféð, og er árshlutareikningurinn hluti af
samstæðureikningi móðurfélagsins. 

Afkoma jan-júní 2007
Hagnaður Kjalarvogs ehf. jan - júní 2007 nam  83 m.kr.  Rekstrartekjur
tímabilsins námu 1.219 m.kr., vörunotkun 757 m.kr. og annar rekstrarkostnaður
346 m.kr.  Enginn starfsmaður starfaði hjá félaginu á tímabilinu, en
Húsasmiðjan hf. sá um daglegan rekstur. 
 
Fjármagnsgjöld tímabilsins námu 16 m.kr.
 
Veltufé frá rekstri nam 87 m.kr.

Heildareignir Kjalarvogs ehf. 30.06.2007 voru bókfærðar á 749 m.kr.
Heildarskuldir félagsins voru um 336 m.kr. 30.06.2007, allt skammtímaskuldir.
Veltufjárhlutfall í lok tímabilsins var 2,27. Eigið fé Kjalarvogs ehf. þann
30.06.2007 nam 413 m.kr og eiginfjárhlutfall var 55,1%. 

Framtíðarhorfur
Tilgangur félagsins er innflutningur, heildsala og smásala á neytenda- og
iðnaðarvörum, ásamt annarri starfsemi, sem af því leiðir. Ágætlega lítur út
með reksturinn á næstu misserum. Útlit er fyrir áframhaldandi aukningu
eftirspurnar og markaðsstaða félagsins er ágæt.