Leiðrétting. Lykiltölum hefur verið bætt við. Afkoma Rekstrarfélags Kaupþings banka hf. fyrir tímabilið 1. janúar til 30. júní árið 2007 • Hagnaður Rekstrarfélags Kaupþings banka hf. eftir skatta á fyrri hluta ársins 2007 nam 524 m.kr. samanborið við 1.057 m.kr fyrir sama tímabil árið 2006.Rekstrarfélag Kaupþings banka hf. er dótturfélag Kaupþings banka hf. og hluti af samstæðureikningi bankans og dótturfélaga hans. • Hreinar rekstrartekjur á tímabilinu námu 1.404 m.kr. samanborið við 1.812 m.kr. á sama tímabili árið 2006. • Rekstrargjöld á tímabilinu námu 765 m.kr. samanborið við 520 m.kr. á sama tímabili árið 2006. • Eigið fé 30. júní árið 2007 nam 4.020 m.kr. skv. efnahagsreikningi miðað við 2.726 m.kr. 30. júní 2006. Eiginfjárhlutfall, sem reiknað er samkvæmt lögum nr. 161/2002 um fjármálafyrirtæki, er 56,5%, en má samkvæmt framangreindum lögum ekki vera lægra en 8,0%. • Rekstrarfélagið sér m.a. um eignastýringu og rekstur verðbréfasjóða, fjárfestingasjóða og fagfjárfestasjóða. Skuldabréf Fagfjárfestasjóðsins CDO 1 og hlutdeildarskírteini ICEQ verðbréfasjóðs eru skráð í OMX Norrænu kauphöllina Íslandi. Sérstakir árshlutareikningar eru gerðir fyrir þá sjóði og þeir birtir sérstaklega í fréttakerfi kauphallarinnar. • Árshlutareikningurinn var kannaður af KPMG hf. sem telur að árshlutareikningurinn gefi glögga mynd af afkomu félagsins og sjóðanna á tímabilinu 1. janúar til 30. júní á árinu 2007, efnahag þeirra 30. júní 2007 og breytingu á handbæru fé félagsins og hreinni eign sjóðanna á tímabilinu, í samræmi við lög og settar reikningsskilareglur. Hægt verður að nálgast árshlutareikning félagsins frá og með deginum í dag í móttöku Rekstrarfélags Kaupþings banka hf. að Borgartúni 19, Reykjavík. Nánari upplýsingar um ársreikning Rekstrarfélags Kaupþings banka hf. veita Ómar Kaldal Ágústsson, framkvæmdastjóri, og Sigurður Guðmundsson í síma 444-6000.
2007 - Leiðrétting - Frétt send út 2007-08-30 11:12:58 CET
| Source: Stefnir hf.