7. febrúar 2008 Viðbótarupplýsingar og leiðrétting vegna ársreiknings Straums-Burðaráss fjárfestingabanka 2007 Í skýringu 47 voru tilgreind laun og hlunnindi þrettán stjórnenda. Upplýsingar vantaði um Guðmund Þórðarson framkvæmdastjóra fyrirtækjasviðs og Oscar Crohn framkvæmdastjóra fyrirtækjasviðs. Laun og hlunnindi Guðmundar á árinu 2007 námu 3.078.900 evrum og laun og hlunnindi Oscars 588.200 evrum. Skúli Valberg Ólafsson, sem situr í framkvæmdastjórn, á sölurétt á 10 milljón hlutum. Rétturinn miðast við gengið 14 ISK og gildir til 20. febrúar 2008. Á listann yfir stjórnarmenn vantaði James Leitner og nafn Friðriks Hallbjörns Karlssonar misritaðist. Villur voru í upplýsingum um hlutabréfaeign stjórnarmanna og framkvæmdastjóra í árslok. Hið rétta er að James Leitner átti í árslok 100.000.000 hluti; Guðmundur Kristjánsson 2.300 hluti; Eggert Magnússon 1.700 hluti; Þórunn Guðmundsdóttir 105.649 hluti; E. Alden Edmonds 150.000 hluti; Jóhann Páll Símonarson 58.900 hluti og framkvæmdastjórar 10.828.000 hluti. Hlutur Björgólfs Thors Björgólfssar í Samson Global Holdings, sem á 3.407.555.158 hluti í Straumi, er ekki yfir 50%.
Viðbótarupplýsingar og leiðrétting vegna ársreiknings Straums-Burðaráss fjárfestingabanka 2007
| Source: Straumur-Burðarás Fjárfestingabanki hf.