Aðalfundur Glitnis banka hf. árið 2008 verður haldinn á Hótel Sögu, Súlnasal, miðvikudaginn 20. febrúar 2008 kl. 14. Dagskrá: - Skýrsla stjórnar um starfsemi bankans árið 2007. - Endurskoðaðir reikningar bankans fyrir árið 2007. - Ákvörðun um greiðslu arðs og meðferð hagnaðar á árinu 2007. - Tillögur til breytinga á samþykktum félagsins.[1] - Tillaga stjórnar um starfskjarastefnu bankans. - Kosning til stjórnar. - Kosning endurskoðunarfélags. - Ákvörðun um þóknun til stjórnar fyrir næsta kjörtímabil. - Tillaga um framlag í Menningarsjóð Glitnis. - Tillaga um heimild til stjórnar til kaupa á eigin hlutum í Glitni banka hf. - Önnur mál. Atkvæðaseðlar og aðgöngumiðar að fundinum verða afhentir hluthöfum eða umboðsmönnum þeirra á fundarstað frá kl. 13 - 14 á fundardegi. Afhendingu aðgöngumiða og atkvæðaseðla verður hætt kl. 14. Framboðsfrestur til stjórnar rennur út miðvikudaginn 13. febrúar 2008 kl. 14. Framboðum skal skila skriflega til forstjóra, Kirkjusandi.[2] Dagskrá fundarins, endanlegar tillögur, ársreikningur félagsins, skýrsla stjórnar og skýrsla endurskoðenda liggja frammi hluthöfum til sýnis á Kirkjusandi 2, 5. hæð, viku fyrir aðalfund hið minnsta. Þessi gögn verða einnig aðgengileg á www.glitnir.is. Stjórn Glitnis banka hf. [1] Gerð er tillaga um að aðalfundur samþykki breytingu á 4. gr. samþykkta félagsins um heimild stjórnar til hækkunar hlutafjár. [2] Samkvæmt 2. mgr. 63. gr. a. í lögum nr. 2/1995 um hlutafélög, með síðari breytingum, skal í tilkynningu um framboð til stjórnar gefa, auk nafns frambjóðanda, kennitölu og heimilisfangs, upplýsingar um aðalstarf, önnur stjórnarstörf, menntun, reynslu og hlutafjáreign í félaginu. Þá skal einnig upplýsa um hagsmunatengsl við helstu viðskiptaaðila og samkeppnisaðila félagsins, sem og hluthafa sem eiga meira en 10% hlut í félaginu. Form sem frambjóðendur geta haft til hliðsjónar vegna þessarar upplýsingagjafar liggur frammi hjá ritara forstjóra.
Aðalfundur Glitnis banka hf.
| Source: Glitnir banki hf.
Attachments
