Starfsemi bankans í Kaupmannahöfn flyst til London Reykjavík/Kaupmannahöfn - fimmudag 28. febrúar 2008 - Ákveðið hefur verið að loka skrifstofu Glitnis í Kaupmannahöfn. Með þessu mun bankinn flytja stærstan hluta núverandi starfsemi sinnar í Danmörku til London og í höfuðstöðvar bankans á Íslandi. Breytingin er liður í því að skerpa áherslur bankans í Evrópu og ná fram aukinni kostnaðarsamlegð og hagræði í starfsemi bankans. Skrifstofa Glitnis í London leiðir starfsemi bankans í Bretlandi og á meginlandi Evrópu. Á skrifstofu bankans í Danmörku starfa um 17 manns en starfsemin snýr að mestu að alþjóðlegum umsvifum bankans. Sú starfsemi flyst nú til London og Íslands og mun bankinn þjóna dönskum viðskiptavinum sínum þaðan. Í núverandi markaðsástandi leggur bankinn áherslu á þá meginstefnu að byggja frekar upp bankastarfsemi sína í Noregi og að bjóða upp á tengda fjármálaþjónustu á Norðurlöndunum. Ennfremur mun bankinn auka áherslu á þjónustu við alþjóðlega kjarnaviðskiptavini, sérstaklega innan markaðssyllna bankans, sjávarafurða og jarðvarma, en Glitnir hefur leiðandi stöðu á þeim sviðum í krafti reynslu sinnar og sérþekkingar. Eins fram hefur komið mun Glitnir skerpa áherslur í rekstri sínum á þessu ári og beina kröftunum að kjarnastarfsemi sinni. Starfsemi Nordic Total Capital teymis bankans, sem sérhæfir sig í samþættri yfirtökufjármögnun (e. integrated finance buyout) á Norðurlöndunum, mun starfa áfram í Danmörku sem sjálfstæð starfseining. Nánari upplýsingar: Már Másson, forstöðumaður kynningarmála, sími 844-4990, netfang: mar.masson@glitnir.is Vala Pálsdóttir, forstöðumaður fjárfestatengsla, sími: 844-4989, netfang: vala.palsdottir@glitnir.is
Glitnir endurskipuleggur starfsemi sína Evrópu
| Source: Glitnir banki hf.