Reykjavík 28. febrúar 2008 - Lánshæfismatsfyrirtækið Moody's lækkaði í dag fjárhagslegan styrkleika Glitnis frá C í C- og langtíma einkunn Glitnis í A2 frá Aa3. Skammtímaeinkunn bankans var staðfest. Moody's telur horfur lánshæfiseinkunnar stöðugar. Breytingar á lánshæfiseinkunn eru gerðar í kjölfar þess að einkunnir bankans voru teknar til endurskoðunar þann 30. janúar s.l. Á einu ári hefur Moody's breytt mati sínu á Glitni fjórum sinnum: 1. Febrúar 2007: Fjárhagslegur styrkleiki lækkaður úr C+ (neikvæðar horfur) í C (stöðugar horfur). 2. Febrúar 2007: Mat á langtímaeinkunn hækkuð úr A1 í Aaa vegna breyttrar aðferðafræði Moody's. 3. Apríl 2007: Mat á langtímaeinkunn lækkað úr Aaa í Aa3 vegna lagfæringa á aðferðafræði Moody's. 4. Febrúar 2008: Fjárhagslegum styrkleika breytt úr C í C- og langtímaeinkunn úr Aa3 í A2."Þessi langtímaeinkunn, A2, er þolanleg og við vonum að með sé þessari 12 mánaða óvissuferð Moody's lokið. Lánshæfiseinkunn okkar hefur breyst frá A1 í Aaa í Aa3 í A2 á rétt um ári og það er augljóst að Moody's þarf að ná stöðugleika í einkunnargjöf sinni," segir Ingvar H. Ragnarsson, framkvæmdastjóri fjárstýringar Glitnis. "Þar sem markaðir hafa alltaf litið á Glitni sem A-banka geri ég ráð fyrir að markaðurinn taki þessum fréttum með ró." Við viljum vekja athygli því sem fram kemur um lausafjárstöðu Glitnis í tilkynningu Moody's: After carrying out comprehensive stress tests, Moody's has concluded that Glitnir's liquidity profile is sound. Although the bank has large repayments due in 2008, its alternative liquidity, both on balance sheet and in the form of committed back-up lines, should cover these, said Kimmo Rama, lead analyst for Glitnir at Moody's. Þetta endurspeglar þá staðreynd að staða Glitnis er traust og að lausafjárstaða bankans er góð með yfir 7 milljarða evra í lausafé til þess að mæta minna en 2,5 milljarða gjaldaga lána það sem eftir er ársins 2008. Þá segir Moody's ennfremur um lánasafn bankans: Moody's conducted stress tests on Glitnir's loan portfolio subjecting it to different default, asset growth and revenue assumptions as well as scenarios in which problem loans increased sharply. These tests showed that Glitnir can withstand significant downward pressure."Glitnir er í sterkri stöðu í grundvallaratriðum", segir Alexander K. Guðmundsson, framkvæmdastjóri fjármálasviðs Glitnis. "Undirliggjandi svæðisbundin áhætta Glitnis er að stórum hluta tengd tveimur af ríkustu þjóðum heims, Íslandi og Noregi. Báðar þjóðir eru vel settar og efnahagur þeirra byggir að miklu leyti á atvinnugreinum á borð við orku (olíu, jarðhita), sjávarútveg og álframleiðslu. Þetta eru greinar sem ekki hafa orðið fyrir beinum áhrifum af því umróti sem verið hefur á lána- og hlutabréfamarkaði. Að auki er Glitnir leiðandi banki á sviði sjávarútvegs og jarðhita. Þetta eru greinar sem verða ekki fyrir beinum áhrifum af því umróti sem verið hefur á fjármálamörkuðum undanfarið heldur jafnvel þvert á móti. Glitnir er þannig vel staðsettur með tilliti til landsvæða og atvinnugreina". Nánari upplýsingar:: Alexander K. Gudmundsson, framkvæmdastjóri áhættu og fjárstýringar. S: 440 4500, netfang: alexander.gudmundsson@glitnir.is Ingvar H. Ragnarsson, framkvæmdastjóri fjárstýringar, s. 440 4665, 844 4665 og netfang: ingvar.ragnarsson@glitnir.is. Vala Pálsdóttir, forstöðumaður fjárfestatengsla, s. 440-4989, 844-4989 og netfang: vala.palsdottir@glitnir.is.
Moody's lækkar lánshæfiseinkunn Glitnis í A2, fjárhagslegan styrkleika í C- og metur horfur lánshæfiseinkunna stöðugar
| Source: Glitnir banki hf.