Stjórn Rekstrarfélags Kaupþings banka hf. hefur staðfest ársreikning félagsins fyrir tímabilið 1. janúar til 31. desember 2007. • Hagnaður Rekstrarfélags Kaupþings banka hf. eftir skatta á árinu 2007 nam 1.352 m.kr. samanborið við 1.811 m.kr fyrir árið 2006. Rekstrarfélag Kaupþings banka hf. er dótturfélag Kaupþings banka hf. og hluti af samstæðureikningi bankans og dótturfélaga hans. • Hreinar rekstrartekjur á tímabilinu námu 3.322 m.kr. samanborið við 3.165 m.kr. á árinu 2006. • Rekstrargjöld á tímabilinu námu 1.674 m.kr. samanborið við 956 m.kr. á árinu 2006. • Eigið fé 31. desember 2007 nam 4.862 m.kr. skv. efnahagsreikningi miðað við 3.484 m.kr. 31. desember 2006. Eiginfjárhlutfall, sem reiknað er samkvæmt lögum nr. 161/2002 um fjármálafyrirtæki, er 58,6%, en má samkvæmt framangreindum lögum ekki vera lægra en 8,0%. • Rekstrarfélagið sér m.a. um eignastýringu og rekstur verðbréfasjóða, fjárfestingasjóða og fagfjárfestasjóða. Skuldabréf fagfjárfestasjóðsins KFF Institutional Investor Fund og hlutdeildarskírteini ICEQ verðbréfasjóðs eru skráð í OMX Norrænu kauphöllina Íslandi. Sérstakir ársreikningar eru gerðir fyrir þá sjóði og þeir birtir sérstaklega í fréttakerfi kauphallarinnar. • Ársreikningurinn var endurskoðaður af KPMG hf. sem telur að ársreikningurinn gefi glögga mynd af afkomu félagsins og sjóðanna á árinu 2007, fjárhagsstöðu þess 31. desember 2007 og breytingu á handbæru fé félagsins og hreinni eign sjóðanna á árinu 2007, í samræmi við lög um ársreikninga. Hægt verður að nálgast ársreikning félagsins frá og með deginum í dag í móttöku Rekstrarfélags Kaupþings banka hf. að Borgartúni 19, Reykjavík. Nánari upplýsingar um ársreikning Rekstrarfélags Kaupþings banka hf. veita Ómar Kaldal Ágústsson, framkvæmdastjóri rekstrarfélagsins, og Sigurður Guðmundsson í síma 444 6000.
- Afkoma Rekstrarfélags Kaupþings banka hf. fyrir tímabilið 1. janúar til 31. desember 2007
| Source: Stefnir hf.