FITCH staðfestir lánshæfiseinkunn Straums; horfur stöðugar

Fitch Ratings staðfesti í dag lánshæfiseinkunn Straums-Burðaráss
fjárfestingabanka hf: langtímaeinkunn og almenn lán (e. senior
unsecured debt) 'BBB-', skammtímaeinkunn 'F3', óháð einkunn 'C/D',
stuðningseinkunn '3', stuðningseinkunnargólf '3', og víkjandi lán
'BB+'. Langtímahorfur eru stöðugar.

Í tilkynningu frá Fitch segir að einkunnin endurspegli þá skoðun
matsfyrirtækisins að þrátt fyrir áframhaldandi umrót á
skuldabréfamarkaði og neikvæð viðhorf markaðsaðila gagnvart íslenskum
aðilum geri lausafjárstaða Straums og viðráðanleg
endurfjármögnunarþörf bankans að verkum að hann sé síður viðkvæmur en
ella fyrir neikvæðri umræðu.

Sjá tilkynningu frá Fitch Ratings í viðhengi.