Ársreikningur Fjarðabyggðar 2007 tekinn til fyrri umræðu í bæjarstjórn Fimmtudaginn 3. apríl 2007 var ársreikningur Fjarðabyggðar 2007 tekinn til fyrri umræðu bæjarstjórnar en eins og sveitarstjórnarlög kveða á um skal fjalla um ársreikninginn á tveimur fundum í bæjarstjórn. Seinni umræða um ársreikning Fjarðabyggðar 2007 fer fram 17.apríl n.k. Rekstrarniðurstaða án fjármunatekna og fjármagnsgjalda var jákvæð sem nam 773,4 millj.kr. í samsstæðuársreikningi, A og B hluta. Þar af var rekstarniðurstaða A hluta jákvæð um 589,6 millj.kr. Að teknu tilliti til fjármagnsgjalda var rekstur samstæðu jákvæður sem nam 500,9 millj.kr. og A hluta 507,8 millj.kr. Rekstrartekjur sveitarfélagsins á árinu 2007 námu 4.042,8 millj. kr. í samstæðu, en þar af námu rekstrartekjur A hluta 3.283,3 millj. kr. Hækkuðu tekjur samstæðu í heild um 6,6% frá fyrra ári. Mest hækkuðu útsvarstekjur eða um 16,6% og aðrar tekjur um 13,3%. Ljóst er að bygging álvers í Fjarðabyggð og umsvif vegna framkvæmda í sveitarfélaginu höfðu mikil áhrif á tekjumyndun og þá sér í lagi áhrif frá starfsmannaþorp Bechtel á Haga. Þá lækkuðu framlög Jöfnunarsjóðs um tæp 50% frá fyrra ári, en með hækkandi tekjum sveitarsjóðs lækka framlög jöfnunarsjóðsins umtalsvert. Rekstrargjöld án afskrifta í samstæðu námu 2.997,7 millj. kr. og þar af rekstrargjöld A hluta 2.565,8 millj. kr. Heildar rekstrargjöld í samstæðu hækkuðu um 14,5%. Laun og launatengd gjöld hækkuðu um 17,2% og annar rekstarkostnaður um 14,2%. Líkt og á árinu 2006 er kostnaður hækkandi vegna stækkandi rekstrareininga og aukinna umsvifa hjá sveitarfélaginu. Þá hækkaði lífeyrisskuldbinding um 114,5 millj.kr. milli ára. Veltufé frá rekstri samstæðu nam 949,5 millj. kr. og handbært fé frá rekstri nam 1.130,0 millj. kr. Á árinu 2006 var handbært fé frá rekstri jákvætt um 972,0 millj.kr. og aukningin því á milli ára 16%. Veltufjárhlutfall í lok árs 2007 var 1,77 í A hluta og 1,06 í samstæðu. Niðurstaða fjármagnsliða á árinu 2007 var 270,0 millj.kr samanborið við 631,2 millj. kr. á árinu 2006. Skýrist munurinn fyrst og fremst af háum vaxtatekjum vegna sterkar sjóðsstöðu, markvissar skuldastýringar og sterku gengi íslensku krónunnar. Vaxta- og verðbótatekjur ársins 2007 námu 82,7 millj. kr. og gengishagnaður ársins vegna erlends lánasafns var 118,4 millj. kr. Þá námu vaxta- og verðbótagjöld 455,8 millj. kr. Fjárfestingar samstæðu nettó í varanlegum rekstrarfjármunum námu 770,8 millj.kr. Eignir sveitarfélagsins eru í lok árs 2007 8.596,5 millj.kr. þar af 7.540,1 millj.kr. í fastafjármunum. Langtímaskuldir við lánastofnanir eru 4.827,3 millj.kr. og skammtímaskuldir 6,3 millj.kr. Eigið fé samstæðu í árslok nam 1.757,4 millj.kr. þar af 1.681,3, millj.kr. í A hluta. Handbært fé í árslok 2007 nam 305,3 millj.kr. Nánari upplýsingar um ársreikning Fjarðabyggðar 2007 veitir forstöðukona fjármála Jóna Árný Þórðardóttir í síma 470-9000.