Niðurstöður aðalfundar Straums-Burðaráss fjárfestingabanka hf. 15. apríl 2008

Eftirfarandi tillögur voru  samþykktar á aðalfundi  Straums-Burðaráss
Fjárfestingabanka hf. sem haldinn var þriðjudaginn 15. apríl 2008

Ársreikningur félagsins  ásamt skýrslu  endurskoðanda bankans  lagður
fram til staðfestingar

Ársreikningur  félagsins  ásamt  skýrslu  endurskoðanda  bankans  var
staðfestur.

Ákvörðun um meðferð hagnaðar félagsins á reikningsárinu

Samþykkt var að  greiða út  48,9 milljón  evrur í  arð til  hluthafa.
Arðurinn nemur 30%  af hagnaði  félagsins árið 2007  eftir skatta  og
samsvarar um það bil 0,0047 evrum á hlut. Arðurinn greiðist hluthöfum
með hlutabréfum í  Straumi-Burðarási fjárfestingabanka  hf. þann  13.
maí 2008 og skal gengi hlutanna taka mið af meðalverði viðskipta  með
hluti í bankanum á aðalfundardegi og gengi evru taka mið af  opinberu
viðmiðunargengi (miðgengi) Seðlabanka Íslands  á evru þann sama  dag.
Arðsréttindadagur (record date) er  18. apríl 2008 en  arðleysisdagur
(ex-date) er 16. apríl 2008. Því sem eftir stendur af hagnaði  ársins
skal ráðstafað til hækkunar á eigin fé bankans.

Ákvörðun um þóknun til  stjórnarmanna félagsins fyrir næsta  starfsár
og til endurskoðanda fyrir liðið starfsár

Samþykkt var  að stjórnarlaun  vegna næsta  starfsárs verði  sem  hér
segir:

Stjórnarformaður fái 9.300 evrur á mánuði.
Varaformaður stjórnar fái 6.200 evrur á mánuði.
Aðrir stjórnarmenn fái 3.100 evrur á mánuði.
Varamenn fái 850 evrur fyrir hvern setinn fund.Stjórnarmenn fái 850  evrur fyrir  hvern setinn  fund í  undirnefndum
stjórnar.

Samþykkt var  að  þóknun  til  endurskoðenda  félagsins  fyrir  liðið
starfsár verði greidd samkvæmt reikningi.

Tillaga um starfskjarastefnu félagsins

Starfskjarastefna félagsins, lögð fram af  stjórn samkvæmt 79. gr.  a
hlutafélagalaga nr. 2/1995 með síðari breytingum, var samþykkt.  (Sjá
viðhengi.)

Stjórnarkjör

Eftirfarandi einstaklingar voru kjörnir í stjórn félagsins:

Aðalmenn:
Björgólfur Thor Björólfsson, kt.190367-3749, London, Englandi
Birgir Már Ragnarsson, kt. 020574-5699, London, Englandi
Guðmundur Kristjánsson, kt. 220860-4429, Granaskjóli 64, 107
Reykjavík
Friðrik Hallbjörn Karlsson, kt. 180366-4909, Bjarmalandi 23, 108
Reykjavík
James Leitner, New York, USA

Varamenn:
Edgar Alden Edmonds, New York, USA
Vilhjálmur Þorsteinsson, kt. 301265-5309, Baugatanga 6, 101 Reykjavík
Heiðar Már Guðjónsson, kt. 220472-3889, London, Englandi
Jóhann Páll Símonarson, kt. 110451-3939, Stakkhömrum 4, 112 Reykjavík
Þórunn Guðmundsdóttir, kt. 090757-4319, Laugavegi 61, 101 Reykjavík

Kosning endurskoðanda eða endurskoðunarfélags

KPMG hf.  var  endurkjörið endurskoðunarfélag  félagsins  fyrir  árið
2008.

Tillögur um breytingar á samþykktum félagsins

Samþykktar voru eftirfarandi breytingar á samþykktum félagsins:

(a)   að 2.  málsl. 3.  gr. verði  breytt þannig  að í  stað  orðsins"fjárfestingabönkum" komi orðið "bönkum",

(b)  að  ný grein 15.  a bætist við,  svohljóðandi: "Hver hluthafi  á
rétt á  að taka  til máls  á hluthafafundi.  Hafi stjórn  ákveðið  að
hluthafafundur skuli haldinn að hluta til rafrænt skulu hluthafar sem
þannig taka  þátt  í fundi  leggja  fram spurningar  um  dagskrá  eða
framlögð skjöl o.fl. tengt  fundinum eigi síðar  en fimm dögum  fyrir
fundinn.",

(c)  að  á eftir  2. mgr. 18.  gr. komi  ný málsgrein,  svohljóðandi:"Félagsstjórn  getur  ákveðið   að  hluthafar  geti   tekið  þátt   í
hluthafafundum rafrænt,  þ.m.t. greitt  atkvæði, án  þess að  vera  á
staðnum. Skylt er þó  að gefa hluthöfum kost  á að greiða atkvæði  um
mál sem eru á dagskrá hluthafafunda, bréflega eða rafrænt.",

(d)  að orðið "virkum" í 3. málsl. 1. mgr. 19. gr. verði fellt út.

Tillaga um endurnýjaða heimild félagsins til að kaupa eigin hluti

Samþykkt var að endurnýja heimild stjórnar samkvæmt 8. gr.  samþykkta
félagsins til  að eiga  og taka  að veði  eigin hluti  í samræmi  við
ákvæði VIII. kafla laga nr. 2/1995 um hlutafélög og 29. gr. laga  nr.
161/2002  um  fjármálafyrirtæki.  Heimildin  er  til  18  mánaða   og
takmarkast við að samanlögð kaup  hluta og veðsetning fari ekki  yfir
10% af heildarhlutafé  bankans á  hverjum tíma.  Kaupverð hluta  skal
vera hæst  20% yfir  meðalsöluverði  hluta í  félaginu skráðu  á  OMX
Nordic Exchange á Íslandi hf. á næstliðnum tveimur vikum áður en kaup
voru gerð. Með  samþykki tillögunnar fellur  niður fyrri heimild  til
kaupa á eigin hlutum sem samþykkt var á síðasta aðalfundi félagsins.

                                 ---

Í framhaldi af  aðalfundi var haldinn  stjórnarfundur í félaginu  þar
sem  stjórnin  skipti   með  sér  verkum   og  var  Björgólfur   Thor
Björgólfsson  kosinn  formaður  stjórnar  og  Birgir  Már  Ragnarsson
varaformaður stjórnar.