Afkoma Icelandair Group á öðrum ársfjórðungi 2008 •Betri afkoma en á síðasta ári •Rekstur lagaður að erfiðum ytri skilyrðum •Heildarvelta félagsins á öðrum ársfjórðungi 2008 var 29 milljarðar króna og jókst um 79% frá sama tíma í fyrra •EBITDA var 1,9 milljarðar króna en 1,3 milljarðar króna á sama tíma í fyrra •EBIT var 901 milljón króna samanborið við 636 milljónir króna á sama tíma í fyrra •Hagnaður eftir skatta var 395 milljónir króna, en var 205 milljónir króna á sama tíma í fyrra •Eignir voru 89,8 milljarðar króna í lok júní 2008 samanborið við 66,8 milljarða í lok árs 2007 •Eiginfjárhlutfall var 30% í lok júní 2008 en var 37% í ársbyrjun •EBITDAR á öðrum ársfjórðungi 2008 var 5,3 milljarðar króna samanborið við 2,6 milljarða króna á öðrum ársfjórðungi 2007. •Mikla veltuaukningu má að mestu rekja til komu Travel Service inn í samstæðuna frá 1. apríl 2008 sem og stöðu íslensku krónunnar gagnvart öðrum gjaldmiðlum •Viðbrögð við erfiðum ytri rekstrarskilyrðum hafa skilað árangri og áfram er unnið samkvæmt aðgerðaáætlun til að aðlaga reksturinn að erfiðu efnahagsástandi og háu eldsneytisverði Fyrri helmingur ársins 2008 •Heildarvelta félagsins var 43 milljarðar króna sem er 53% aukning miðað við sama tíma í fyrra •Hagnaður af sölu eigna nam 97 milljónum króna á tímabilinu, en á sama tímabili í fyrra var 1,3 milljarða króna hagnaður af sölu eigna •Handbært fé frá rekstri var 7,6 milljarðar króna á fyrri helmingi ársins 2008 en var 3,6 milljarðar króna á sama tíma í fyrra •EBITDA var 998 milljónir króna en var 1,2 milljarðar króna á sama tíma í fyrra •EBIT var neikvætt um 762 milljónir króna en neikvætt um 197 milljónir á sama tíma í fyrra •Tap á fyrri helmingi ársins 2008 var 1,3 milljarðar króna en var 1 milljarður á sama tíma í fyrra •EBITDAR á fyrri helmingi 2008 var 6 milljarðar króna samanborið við 3,7 milljarða króna á fyrri helmingi ársins 2007 Björgólfur Jóhannsson, forstjóri Icelandair Group: „Afkoma Icelandair Group á öðrum ársfjórðungi er betri en á sama tíma á síðasta ári, sem er framar vonum í erfiðu rekstrarumhverfi í alþjóðaflugi. Icelandair Group er nú með starfsemi í öllum heimsálfum og 75% rekstrartekna koma erlendis frá, og aðeins 25% frá Íslandi. Mikill vöxtur einkennir tímabilið, en þar munar mest um að tékkneska flugfélagið Travel Service kom inn í reksturinn. Það er nú næst stærsta félagið í Icelandair Group og var afkoma þess góð á öðrum ársfjórðungi. Fyrirtæki innan samstæðunnar hafa brugðist við háu eldsneytisverði og minnkandi eftirspurn með kostnaðaraðhaldi og tekjustýringu. Rekstur Icelandair, stærsta félagsins, er í járnum, og þar hefur verið gripið til aðhaldsaðgerða sem lofa góðu. Í heild erum við að sjá jákvæðan árangur af fjölþættingu Icelandair Group og batnandi lausafjárstöðu. Unnið er samkvæmt aðgerðaráætlunum í öllum fyrirtækjum og við höfum samheldið og kraftmikið starfsfólk sem er reiðubúið að stýra félaginu í gegnum ókyrrðina í efnahagslífinu.“ Frekari upplýsingar veita: Björgólfur Jóhannsson, forstjóri Icelandair Group sími: 896-1455