Reykjavík, 27. september, 2010 - NASDAQ OMX Group, Inc, tilkynnir um innleiðingu nýrra verðsveifluvarna (Volatility Guards) á mörkuðum sínum á Norðurlöndunum og í Eystrasaltsríkjunum, sem munu vernda fjárfesta og skráð fyrirtæki í hviklyndum markaðsaðstæðum. “Nýju verðsveifluvarnirnar, sem byggja á eldri samnorrænum vörnum, mæta kröfum nútímans í viðskiptaumhverfi sem einkennist af hraða og háþróaðri viðskiptatækni. Innleiðing verðsveifluvarnanna mun auka frekar vissu fjárfesta og skráðra fyrirtækja um eðlilega verðmyndun á mörkuðum okkar á Norðurlöndunum og í Eystrasaltsríkjunum. Eitt af því mikilvægasta sem við lærðum af nýlegri ókyrrð á mörkuðum og fjármálakreppunni er mikilvægi þess að samræma aðgerðir til að mæta óstöðugleika á markaði, en einnig til að takast á við margbreytileika samtvinnaðra og tæknidrifinna markaða nútímans”, sagði Þórður Friðjónsson, forstjóri NASDAQ OMX Iceland. Í NASDAQ OMX Nordic verðsveifluvörninni felst stöðvun og endurupptaka viðskipta í gegnum ferli sem hannað er til að koma aftur á eðlilegri verðmyndum í einstökum bréfum (hlutabréfum og kauphallarsjóðum) skráðum á NASDAQ OMX Nordic og Baltic kauphöllunum í Stokkhólmi, Helsinki, Kaupmannahöfn, Íslandi, Tallinn, Riga og Vilníus og First North vaxtarmarkaðnum. Norræna verðsveifluvörnin mun verða notuð ef tilboð víkur hlutfallslega um of frá síðasta söluverði (Dynamic Volatility Guard) eða frá viðmiðunarverði, sem er venjulega upphafsverð dagsins (Static Volatility Guard). Þegar verðsveifluvörn er virkjuð, stöðvast samfelld viðskipti og uppboð hefst sem stendur yfir í 60-180 sekúndur. Tilboðabókin opnast aftur fyrir samfelld viðskipti eftir það. Norræna verðsveifluvörnin verður innleidd í dag á Íslandi, í Eystrasaltsríkjunum og á öllum First North mörkuðunum og þann 30. september á aðalmörkuðum í Stokkhólmi, Helsinki og Kaupmannahöfn. NASDAQ OMX norræna verðsveifluvörnin - þröskuldar Dynamic Volatility Guard* Static Volatility Guard* Aðalmarkaðir í Stokkhólmi, Helsinki og Kaupmannahöfn Hlutabréfavísitölur (OMXS30/OMXH25/OMXC20) 3% 10% Önnur hlutabréf eða kauphallarsjóðir (ETFs) 5% 15% First North stocks 10% 15% “Penny shares”: 0.25-5 (SEK, DKK), 0.025-0.5 (EUR) 25% 50% 0.1-0.25 (SEK,DKK), 0.01-0.025 (EUR) 40% 75% 0.05-0.1 (SEK,DKK), 0.005-0.01 (EUR) 50% 100% 0-0.05 (SEK,DKK), 0.0-0.005 (EUR) 100% 200% Eystrasalt og Ísland: Hlutabréf í Eystrasaltsríkjunum 10% 15% Íslensk hlutabréf 10/5% N/A * Munur tilboðs frá síðasta söluverði ** Munur tilboðs frá viðmiðunarverði (venjulega upphafsverð dags) Lengd uppboða: Configuration item: Tímalengd: Uppboð vegna virkjunar verðsveifluvarnar Dynamic Volatility Guard 60 sek Uppboð vegna virkjunar verðsveifluvarnar - Static Volatility Guard 180 sek Tímabil fyrir lokunaruppboð þar sem engri verðsveifluvörn verður virkjuð 240 sek Um NASDAQ OMX NASDAQ OMX Group, Inc. er stærsta kauphallarfyrirtæki heims. Það veitir viðskipta- og kauphallarþjónustu sem og almenna fyrirtækjaþjónustu í sex heimsálfum og með yfir 3.600 félög í viðskiptum er það í fararbroddi stærstu markaða heims. NASDAQ OMX býður félögum um allan heim upp á fjölda fjármögnunarkosta, þar á meðal U.S. listings market, NASDAQ OMX Nordic, NASDAQ OMX Baltic, NASDAQ OMX First North, og 144A geirann. Fyrirtækið býður upp á viðskipti með fjölda eignaflokka, svo sem hlutabréf, afleiður, skuldabréf, hrávörur, samsettar vörur og kauphallarsjóði. NASDAQ OMX upplýsingatækni styður starfsemi rúmlega 70 kauphalla, greiðslustofnana og verðbréfamiðstöðva í yfir 50 löndum. NASDAQ OMX Nordic og NASDAQ OMX Baltic eru ekki lögaðilar en hugtakið lýsir sameiginlegri þjónustu Nasdaq OMX kauphallanna í Helsinki, Kaupmannahöfn, Stokkhólmi, Íslandi, Tallinn, Ríga og Vilníus. Nánari upplýsingar um NASDAQ OMX eru á (http://www.facebook.com/nasdaqomx) og Twitter (http://www.twitter.com/nasdaqomx). Fyrirvari vegna staðhæfinga um framtíðarhorfur Þau mál sem hér er skýrt frá taka til staðhæfinga um framtíðarhorfur sem gerðar eru samkvæmt svonefndum Safe Harbor ákvæðum í bandarískum verðbréfalögum frá 1995 (Private Securities Litigation Reform Act of 1995). Þessar staðhæfingar taka meðal annars til en takmarkast þó ekki við staðhæfingar um afurðir og þjónustu NASDAQ OMX. Við minnum á að þessar staðhæfingar eru ekki trygging fyrir framtíðarafkomu. Raunveruleg niðurstaða kann að vera allt önnur en sú sem fram kemur berum orðum eða með öðrum hætti í staðhæfingum um framtíðarhorfur. Í staðhæfingum um framtíðarhorfur eru ýmsir áhættu- og óvissuþættir eða aðrir þættir sem NASDAQ OMX hefur ekki stjórn á. Þessir þættir byggjast á en takmarkast þó ekki við þætti sem gerð er grein fyrir í ársskýrslu NASDAQ OMX á svonefndu Form 10-K og árshlutaskýrslum sem sendar eru til bandaríska verðbréfaeftirlitsins. Við tökumst ekki á hendur neinar skuldbindingar um að endurskoða að neinu leyti staðhæfingar um framtíðarhorfur. Engin trygging er fyrir því að verðbréfaeftirlitið muni veita NASDAQ OMX aðila það vald og leyfi sem hann kynni að sækja. - # - NASDAQ OMX fjölmiðlatengill: Kristín Jóhannsdóttir 525 2844 kristin.johannsdottir@nasdaqomx.com NDAQG
NASDAQ OMX Nordic innleiðir nýjar verðsveifluvarnir til verndar fjárfestum og skráðum fyrirtækjum
| Source: Nasdaq Nordic