Ákvörðunin að neðan er tekin á grundvelli upplýsinga í tilkynningum frá Eik Banki P/F dags. 30. september og 14. október 2010 um samkomulag milli Eik Banki P/F og the Danish Financial Stability Company varðandi flutning á starfsemi Eik Banki yfir í nýtt dótturfélag Financial Stability Company A/S. Með hliðsjón af ofangreindu hefur NASDAQ OMX ákveðið að færa dagslokaverð Eik Banki P/F (FO-EIK, FO0005702340) niður í núll (0) í vísitöluútreikningum, með vísan í ákvæði 5.1. í the Rules for the Construction and Maintenance of the NASDAQ OMX and Oslo Børs All-Share, Benchmark, Tradable and Sector Indexes og ákvæði 4.1 í OMXI6 reglunum (the Rules for the Construction and Maintenance of the OMXI6 Tradable index). Að auki verður Eik Banki P/F tekinn úr OMXI6 vísitölunum í lok dagsins í dag og verður Atlantic Airways P/F (FO-AIR, FO0000000062) bætt inn í vísitöluna samhliða því. Breytingin á samsetningu vísitölunnar er gerð með vísan í ákvæði 4.1 og ákvæði 2.2.2, lið 7, í OMXI6 reglunum.