Fimmtudaginn 12. apríl kl. 11:00 fer fram útboð hjá Lánamálum ríkisins á ríkisvíxlum í flokkunum RIKV 12 0716 og RIKV 12 1015 sem eru með gjalddaga 16. júlí og 15. október 2012.
Lánamál ríkisins áskilja sér rétt til að samþykkja öll tilboð sem berast, að hluta eða hafna þeim öllum. Einungis aðalmiðlurum ríkisverðbréfa er heimilt að gera tilboð í útboðinu, en þeir annast einnig tilboðsgerð fyrir fjárfesta. Lágmark hvers tilboðs er ein milljón króna að nafnvirði.
Útboðinu verður þannig háttað að öll samþykkt tilboð bjóðast aðalmiðlurum á sama verði. Lægsta samþykkta verð (hæsta ávöxtunarkrafa) ræður söluverðinu. Að öðru leyti er vísað í útboðsskilmála sem fylgja þessari frétt.
Greiðslu- og uppgjörsdagur er mánudagur 16. apríl 2012.
Sótt verður um að RIKV 12 1015 verði tekinn til viðskipta í NASDAQ OMX á Íslandi þriðjudaginn 17. apríl 2012.
Nánari upplýsingar veitir Oddgeir Gunnarsson, Lánamálum ríkisins, í síma 569 9633.
