Á aðalfundi Vátryggingafélags Íslands hf. þann 13. mars 2014 var samþykkt að heimila stjórn að kaupa á næstu fimm árum allt að 10% af hlutafé félagsins, þ.e. að hámarki kr. 250.275.704 hluti að nafnverði.
Þann 13. maí 2014 tók stjórn VÍS þá ákvörðun að framkvæma endurkaupaáætlun um kaup á eigin bréfum í þeim tilgangi að lækka útgefið hlutafé þess. Hámarksfjöldi hluta sem áætlun kvað á um að yrðu keyptir voru að nafnverði kr. 55.000.000 hlutir, en það jafngildir um 2,2% af útgefnu hlutafé félagsins. Fjárhæð endurkaupanna skyldi þó aldrei vera hærri en kr. 500.000.000. Heimildin gilti fram að aðalfundi félagsins 2015. Með tilkynningu til Aðalmarkaðar þann 24. nóvember 2014 var greint frá því að kaupum skv. fyrrgreindri endurkaupaáætlun væri lokið. Þar var einnig greint frá því að samtals hefðu verið keyptir kr. 55.000.000 hlutir að nafnverði í félaginu og að kaupverð hinna keyptu hluta hefði numið samtals kr. 462.808.526 sem jafngildir um 2,2% af útgefnu hlutafé félagsins.
Stjórn VÍS hefur að nýju á grundvelli fyrrgreindrar samþykktar aðalfundar félagsins tekið ákvörðun um framkvæmd nýrrar endurkaupaáætlunar um kaup á eigin bréfum í þeim tilgangi að lækka útgefið hlutafé þess.
Hámarksfjöldi hluta sem áætlunin kveður á um að verði keyptir eru að nafnverði kr. 55.000.000 hlutir, en það jafngildir um 2,2% af útgefnu hlutafé félagsins. Fjárhæð endurkaupanna verður þó aldrei hærri en kr. 500.000.000 Heimildin gildir fram að aðalfundi félagsins 2015.
Endurkaupaáætlunin verður framkvæmd af H.F. Verðbréfum hf. sem tekur allar viðskiptaákvarðanir er varða kaup á hlutum og tímasetningu kaupanna óháð félaginu.
Framkvæmd endurkaupaáætlunar og tilkynningar um viðskipti með eigin bréf verða í samræmi við lög og viðauka við reglugerð nr. 630/2005.
Kaupin verða framkvæmd í áföngum, þó þannig að kaup hvers dags verður að hámarki 3.000.000 hlutir sem er 9,3% af meðaltali daglegra viðskipta með hlutabréf félagsins í Kauphöll Íslands í október 2014.
Verð fyrir hvern hlut getur að hámarki verið síðasta skráða dagslokagengi áður en kaup fara fram og hæsta fyrirliggjandi óháða boð í þeim viðskiptakerfum sem kaupin fara fram.
Nánari upplýsingar veitir Sigrún Ragna Ólafsdóttir forstjóri í síma 560-5000 og í netfangi: fjarfestatengsl@vis.is