Framboðsfrestur til stjórnar Vátryggingafélags Íslands hf. („VÍS“) rann út þann 7. mars sl. Eftirtaldir einstaklingar hafa gefið kost á sér til setu í stjórn félagsins:
Í framboði til aðalstjórnar eru:
Ásta Dís Óladóttir
Bjarni Brynjólfsson
Guðrún Þorgeirsdóttir
Helga Jónsdóttir
Maríanna Jónasdóttir
Steinar Þór Guðgeirsson
Í framboði til varastjórnar eru:
Ásta Sóllilja Sigurbjörnsdóttir
Davíð Harðarson
Er það mat stjórnar að öll framboð séu gild sbr. 63. gr. a hlutafélagalaga og að allir frambjóðendur séu óháðir VÍS. Enginn hluthafi í VÍS á yfir 10% hlut í félaginu. Ekki þarf því að meta óhæði gagnvart stórum hluthöfum. Frambjóðendur til varastjórnar eru sjálfkjörnir.
Nánari upplýsingar um frambjóðendur eru í viðhengi.
Krafa um margfeldiskosningu
Stjórn VÍS hefur borist krafa um að beitt verði margfeldiskosningu til kosningar stjórnar VÍS sem fram fer á aðalfundi félagsins þann 12. mars næstkomandi. Krafan var send til stjórnar innan tilskilins frests og barst frá hluthöfum sem hafa yfir að ráða meira en 10% hlutafjár sbr. 7. mgr. 63. gr. laga um hlutafélög nr. 2/1995. Margfeldiskosningu verður því beitt við stjórnarkjörið.
Margfeldiskosning fer fram með eftirfarandi hætti: Kosið skal á milli einstaklinga. Gildi hvers atkvæðis skal margfaldað með fjölda þeirra stjórnarmanna sem kjósa skal og má hluthafi skipta atkvæðamagni sínu, þannig reiknuðu, í hverjum þeim hlutföllum, sem hann sjálfur kýs, á jafnmarga menn og kjósa skal eða færri. Ef ekki er á atkvæðaseðli getið skiptingar atkvæða á milli þeirra sem þau eru greidd skal þeim skipt að jöfnu.
Fjórar konur og tveir karlar hafa boðið sig fram til stjórnarsetu í VÍS en lokamálsgrein 15. gr. samþykkta VÍS innihalda eftirfarandi reglur sem taka á mögulegri niðurstöðu stjórnarkjörsins:
„Náist kynjahlutföll 3. mgr. 16. gr. ekki við kosningu stjórnar á hluthafafundi skal sá er fékk flest atkvæði af þeim sem náðu ekki kjöri, og er af því kyni sem hallar á, taka sæti þess er fæst atkvæði fékk af þeim sem náðu kjöri, og er af fjölmennara kyninu. Hafi slík kynjahlutföll ekki enn náðst skal sá er fékk næstflest atkvæði af þeim sem náðu ekki kjöri, og er af því kyni sem hallar á, taka sæti þess er næstfæst atkvæði fékk af þeim sem náðu kjöri, og er af fjölmennara kyninu.“
