ESÍ býður 5,8% hlut í Nýherja til sölu


Eignasafn Seðlabanka Íslands ehf. hefur ákveðið að bjóða til sölu allt að 23.713.636 hluti í Nýherja hf. sem samsvarar 5,8% útgefinna hluta í félaginu. Verðbréfamiðlun MP banka hf. hefur umsjón með sölu hlutanna.

Salan mun fara fram í útboði án útgáfulýsingar í samræmi við undanþáguheimild í c-lið 1. tl. 1. mgr. 50. gr. laga nr. 108/2007 um verðbréfaviðskipti.

 

Tilboð skulu uppfylla eftirfarandi skilyrði:

  1. Tilboðsgjafar skulu að lágmarki bjóða í 500.000 hluti að nafnverði í Nýherja hf.
  2. Greiðsluskilmálar skulu vera hefðbundnir, viðskiptadagur verður 18. júní 2015 og uppgjörsdagur 22. júní 2015.
  3. Tilboð skal undirritað og sent til verðbréfamiðlunar MP banka hf. með tölvupósti fyrir kl. 16:00 þann 18. júní 2015.

Öll samþykkt tilboð miðast við það gengi sem tilboðsgjafi leggur inn. Tilboðum sem uppfylla ekki framangreind skilyrði verður hafnað. ESÍ áskilur sér allan rétt til að hafna öllum tilboðum sem berast.

 

Verði umframeftirspurn eftir hlutunum verða tilboð samþykkt miðað við hagstæðasta kauptilboð, þ.e. hæsta tilboði verður tekið fyrst og næst því næst hæsta o.s.frv. Jafnháum kauptilboðum verður skipt hlutfallslega (pro rata) á milli viðkomandi tilboðsgjafa, þar til tilboð í 23.713.636 hluti hafa verið samþykkt.

 

Seldir hlutir verða afhentir rafrænt í kerfi Verðbréfaskráningar Íslands hf. að móttekinni greiðslu.

 

Í viðhengi má nálgast tilboðsblað sem fylla ber út og senda með tölvupósti til verðbréfamiðlunar MP banka, midlun@mp.is. Tekið verður við tilboðum frá kl. 09:00 þriðjudaginn 16. júní 2015 til kl. 16:00 fimmtudaginn 18. júní 2015. Tilboðum sem berast seinna verður hafnað óháð því hver ástæða seinkunarinnar er.

 

Nánari upplýsingar veita:

Bjarni Eyvinds, framkvæmdastjóri markaða MP banka, s. 540-3212, bjarni.thrastarson@mp.is

Barði Már Jónsson, forstöðumaður verðbréfamiðlunar MP banka, s. 540-3235, bardi.jonsson@mp.is

 


Attachments

2015.06.15 Tilboðseyðublað ESÍ ehf.pdf