"Þessi tilkynning er upprunalega birt á vefsetri Seðlabanka Íslands. Hún hefur ekki verið birt opinberlega á Evrópska efnahagssvæðinu af hálfu Seðlabanka Íslands, sbr. skilgreiningu laga nr. 108/2007 um verðbréfaviðskipti.
Vísað er til vefseturs Seðlabanka Íslands http://sedlabanki.is
Matsfyrirtækið Moody´s gaf í dag út stutt álit um fyrirhugað útboð Seðlabanka Íslands á aflandskrónum. Meðfylgjandi er lausleg þýðing á lokamálsgrein álitsins.
Í áliti Moody´s kemur fram það mat að fyrirhugað útboð sé jákvætt fyrir lánshæfi Íslands að því leyti að það gefur fjárfestum, sem eiga fé bundið í svokölluðum aflandskrónum, tækifæri til útgöngu óski þeir þess. Það er enn fremur mat fyrirtækisins að útboðið gæti orðið til þess að létta á þrýstingi sem myndast hefur á innlendar eignir vegna gjaldeyrishafta og má meðal annars merkja í mikilli styrkingu krónunnar á innlendum gjaldeyrismarkaði á síðustu tveimur árum.
Sérfræðingar Moody´s telja tímasetningu útboðsins skynsamlega þar sem stjórnvöld biðu með að halda slíkt útboð þar til gjaldeyrisforði þjóðarinnar var orðinn nægilega stór til að taka mætti á aflandskrónuvandanum, en að forðinn dygði jafnframt fyrir mögulegri erlendri fjármagnsþörf hagkerfisins.
Álit Moody's er hér:
Moody's Iceland 30 May 2016.pdf