Framboðsfrestur til stjórnar Vátryggingafélags Íslands hf. rann út í dag kl. 16:00. Eftirtaldir einstaklingar hafa gefið kost á sér til setu í stjórn félagsins:
Til aðalstjórnar:
Gestur Breiðfjörð Gestsson
Helga Hlín Hákonardóttir
Herdís Dröfn Fjeldsted
Svanhildur Nanna Vigfúsdóttir
Valdimar Svavarsson
Til varastjórnar:
Andri Gunnarsson
Sandra Hlíf Ocares
Er það mat stjórnar að öll framboð séu gild, sbr. 63. gr. a hlutafélagalaga, og að allir frambjóðendur séu óháðir VÍS. Enginn hluthafi í VÍS á 10% hlutafjár í félaginu eða meira. Ekki þarf því að meta óhæði gagnvart stórum hluthöfum.
Samkvæmt samþykktum félagsins skal stjórn skipuð fimm aðalmönnum og tveimur til vara. Það er því ljóst að stjórn er sjálfkjörin og ekki mun koma til atkvæðagreiðslu. Ákvæði laga og samþykkta félagsins um kynjahlutföll eru uppfyllt með skipan framangreindrar stjórnar.
Nánari upplýsingar um frambjóðendur eru í viðhengi.