Í viku 10 keypti Sjóvá-Almennar tryggingar hf. (Sjóvá) 3.000.000 eigin hluti að kaupverði 54.800.000 kr. eins og nánar er greint frá hér á eftir:
| Dagsetning | Tími | Keyptir hlutir | Viðskiptaverð (gengi) | Kaupverð (kr.) |
| 06.3.2017 | 13:55:26 | 1.000.000 | 18,40 | 18.400.000 |
| 08.3.2017 | 15:24:26 | 1.000.000 | 18,45 | 18.450.000 |
| 10.3.2017 | 15:15:12 | 1.000.000 | 17,95 | 17.950.000 |
| Samtals | 3.000.000 | 54.800.000 |
Er hér um að ræða kaup félagsins á eigin hlutum í samræmi við endurkaupaáætlun félagsins sem tilkynnt var um í Kauphöll þann 3. október 2016. Samkvæmt áætluninni máttu endurkaup félagsins á eigin bréfum nema að hámarki 130.945.271 hlutum eða sem nemur 8,38% af útgefnum hlutum í félaginu, þó ekki meira en 1.700.000.000 kr. að kaupverði. Endurkaupaáætlunin var í gildi til 11. mars 2017 nema ef kaupum samkvæmt henni yrði lokið áður.
Gildistími endurkaupaáætlunarinnar er nú liðinn. Samtals hafa verið keyptir 54.973.897 hlutir í félaginu sem samsvarar 3,52% af útgefnu hlutafé. Kaupverð hinna keyptu hluta nemur samtals kr. 835.439.932. Sjóvá á samtals 5,14% af heildarhlutafé félagsins eða samtals 80.272.302 hluti.
Endurkaupaáætlunin var framkvæmd í samræmi við VIII. kafla laga um hlutafélög nr. 2/1995 og viðauka við reglugerð um innherjaupplýsingar og markaðssvik nr. 630/2005, sem ber heitið „Viðskipti með eigin bréf í endurkaupaáætlunum og verðjöfnun fjármálagerninga.“
Nánari upplýsingar veitir:
Hermann Björnsson, forstjóri s. 440-2000