Útboð á skuldabréfum Garðabæjar fór fram 29. maí 2017 í umsjón fjárfestingarbankasviðs Arion banka. Boðin voru ný verðtryggð jafngreiðslubréf til 14 ára í opnum flokki GARD 16 01 að andvirði allt að 800 milljónum króna. Tilboð bárust fyrir samtals 1.850 milljónir króna með ávöxtunarkröfu á bilinu 2,95-3,14%.

Bæjarstjórn Garðabæjar staðfesti 1. júní 2017 þá samþykkt bæjarráðs Garðabæjar frá 30. maí að taka tilboðum að andvirði 800 milljónum króna á ávöxtunarkröfunni 3,04%.

Áður útgefin bréf í flokknum GARD 16 01 hafa verið tekin til viðskipta á Aðalmarkaði Kauphallar Íslands og verður óskað eftir því að nýju bréfin verði einnig tekin til viðskipta.

Bókun í fundargerð bæjarstjórnar Garðabæjar frá 1. júní 2017:
Bæjarstjórn samþykkir að taka tilboði í lántöku að fjárhæð kr. 800.000.000 að nafnvirði, verðtryggt með 3,04% ávöxtunarkröfu.  Skuldabréf verða útgefin rafrænt og skráð á NASDAQ OMX (Kauphöll Íslands), með stækkun á áður útgefnum skuldabréfaflokki, sem auðkenndur er GARD 16 01, sbr. útgáfulýsingu, dags. 7. apríl 2016.

Lántakan er samkvæmt heimild í fjárhagsáætlun Garðabæjar 2017 (2018-2020) sem samþykkt var í bæjarstjórn 1. desember 2016.


Nánari upplýsingar veita:

Lúðvík Hjalti Jónsson, fjármálastjóri Garðabæjar, á netfanginu ludvik@gardabaer.is eða í síma 525-8530
Birgir Guðfinnsson, markaðsviðskiptum Arion banka, á netfanginu birgir.gudfinnsson@arionbanki.is eða í síma 444-7337