Í tengslum við fyrirhugaða skráningu á Aðalmarkað Nasdaq Iceland, hefur Kvika banki hf. („Kvika“) undirritað samninga við Arion banka hf. og Íslandsbanka hf. um áframhaldandi viðskiptavakt á hlutabréfum útgefnum af Kviku. Hlutabréfin eru skráð í viðskiptakerfi Nasdaq Iceland hf. með auðkennið KVIKA.

Samningar þessi taka gildi við töku viðskipta félagsins á Aðalmarkaði Nasdaq Iceland. Frá og með þeim tíma falla úr gildi eldri samningar um viðskiptavakt með hluti félagsins, vegna viðskipta þeirra á Nasdaq First North.

Samkvæmt samningnum munu viðskiptavakar setja fram kaup- og sölutilboð í hlutabréf Kviku í viðskiptakerfi Nasdaq Iceland fyrir opnun markaðar. Tilboð hvors viðskiptavaka skulu að lágmarki vera 1.250.000 hlutir. Tilboð skulu endurnýjuð eins og fljótt og unnt er, þó ávallt innan 10 mínútna eftir að þeim er tekið að fullu. Hámarksfjöldi hluta sem hvor viðskiptavaki er skuldbundinn til að kaupa eða selja á hverjum degi er 7.500.000 hlutir.

Verðbil milli kaup- og sölutilboða sem sett eru fram í viðskiptavakt skal að hámarki nema 1,5%. Ef verðbreyting á hlutabréfum Kviku innan dags er umfram 10% er viðskiptavökum heimilt að auka verðbil milli kaup- og sölutilboða án takmarkana þann daginn.

Nánari upplýsingar veitir Marinó Örn Tryggvason, aðstoðarforstjóri Kviku, í síma 540-3200.