Source: Reitir fasteignafélag hf.
REITIR: Reglubundin tilkynning um kaup á eigin bréfum í samræmi við endurkaupaáætlun
Í 8. viku 2020 keypti Reitir fasteignafélag hf. 1.000.000 eigin hluti fyrir 76.765.000 kr. eins og hér segir:
| Dagsetning | Tími | Keyptir hlutir | Viðskipta- verð | Kaup- verð | Alls keyptir hlutir |
| 20.2.2020 | 10:03 | 300.000 | 76,7 | 23.010.000 | 300.000 |
| 20.2.2020 | 10:56 | 100.000 | 76,8 | 7.680.000 | 400.000 |
| 20.2.2020 | 11:26 | 100.000 | 77 | 7.700.000 | 500.000 |
| 21.2.2020 | 11:08 | 250.000 | 76,75 | 19.187.500 | 750.000 |
| 21.2.2020 | 14:29 | 250.000 | 76,75 | 19.187.500 | 1.000.000 |
| Samtals | 1.000.000 | 76.765.000 |
Er hér um að ræða kaup félagsins á eigin hlutum í samræmi við endurkaupaáætlun félagsins sem var hrint í framkvæmd 20. febrúar 2020, sbr. tilkynningu til Kauphallar þann 17. febrúar 2020.
Reitir hafa nú keypt samtals 1.000.000 hluti í félaginu sem samsvarar 5,00% af þeim eigin hlutum sem að hámarki verða keyptir samkvæmt núgildandi áætlun. Kaupverð hinna keyptu hluta nemur samtals 76.765.000 krónum sem samsvarar 5,12% af þeirri fjárhæð sem að hámarki verður keypt fyrir.
Reitir eiga nú samtals 21.000.000 hluti, eða 3,04% af útgefnu hlutafé félagsins. Af þeirri fjárhæð voru 20.000.000 hlutir keyptir undir endurkaupaáætlun sem lauk þann 12. desember sl. Tillaga liggur fyrir aðalfundi félagsins þann 10. mars nk. að lækka útgefið hlutafé félagsins um þá fjárhæð. Að teknu tilliti til þeirrar lækkunar væru hlutir í eigu Reita nú 1.000.000 hlutir eða 0,15% af hlutafé félagsins.
Samkvæmt endurkaupaáætluninni verða að hámarki keyptir 20.000.000 hlutir og fjárhæð endurkaupanna verður aldrei hærri en 1.500 milljónir króna. Framkvæmd endurkaupaáætlunar lýkur þegar öðru hvoru framangreindu hefur verið náð, eða 31. ágúst 2020. Endurkaupaáætlunin er framkvæmd í samræmi við hlutafélagalög nr. 2/1995 og viðauka við reglugerð nr. 630/2005.