Þær tillögur sem lagðar voru fyrir aðalfund Hf. Eimskipafélags Íslands sem haldinn var þriðjudaginn 18. mars 2008 voru samþykktar með tilskildum meirihluta atkvæða. 1. Skýrsla stjórnar og ársreikningur voru samþykkt samhljóða. 2. Eftirfarandi tillaga um meðferð taps reikningsársins 2006 var samþykkt: Aðalfundur Hf. Eimskipafélags Íslands samþykkir tillögu um að tap félagsins á árinu 2007 verði fært til lækkunar á eigin fé félagsins og að ekki verður greiddur út arður til hluthafa á árinu 2008. 3. Eftirfarandi tillaga um þóknun til stjórnarmanna var samþykkt: Aðalfundur Hf. Eimskipafélags Íslands samþykkir að stjórnarlaun vegna ársins 2008 verði sem hér segir: Stjórnarformaður: kr. 400.000 á mánuði, en stjórnarmenn kr. 200.000. 4. Eftirfarandi breytingar á samþykktum félagsins voru samþykktar: A. Breyting á 1. mgr. 19. gr.: Eftirfarandi kemur í stað 1. og 2. ml.: „Stjórn félagsins skipa fimm menn sem kosnir skulu árlega á aðalfundi.“ B. Breyting á 4. mgr. 21. gr.: Í stað „tveggja stjórnarmanna“ í 1. ml. kemur „meirihluti stjórnarmanna“. C. Breyting á 1. mgr. 4. gr.: Við bætist eftirfarandi: „Stjórn félagsins hefur heimild til að ákveða að hlutafé félagsins verði gefið út í erlendum gjaldmiðli í stað íslenskra króna, telji stjórnin slíkt fýsilegt, sbr. heimild í 1. gr. laga um hlutafélög nr. 2/1995. Skal við umreiknun hlutafjárins fara að ákvæðum laga um ársreikninga nr. 3/2006, sbr. 5. mgr. 1. gr. laga um hlutafélög nr. 2/1995. Skal stjórn jafnframt heimilt að gera nauðsynlegar breytingar á samþykktum félagsins sem leiða af útgáfunni, þ.á m. breyta fjárhæðum þeim sem fram koma í 1. mgr. 3. gr. samþykkta félagsins og varða breytinguna.“ 5. Eftirtaldir aðilar voru kjörnir í aðalstjórn félagsins: Sindri Sindrason, kt. 200852-3970 Gunnar M. Björgvinsson, kt. 280639-2069 Friðrik Jóhannsson, kt. 251057-5599 Orri Hauksson, kt. 280371-5809 Tómas Ottó Hansson, kt. 270365-3459 6. Eftirfarandi tillaga um kosningu endurskoðenda var samþykkt. Aðalfundur Hf. Eimskipafélags Íslands kýs KPMG hf. og Alexander G. Eðvardsson fyrir þeirra hönd sem endurskoðanda félagsins. 7. Eftirfarandi tillaga að starfskjarastefnu skv. 79. gr. a. hlutafélagalaga var samþykkt. Starfskjarastefna HF. Eimskipafélags Íslands 1. gr. Markmið Markmið starfskjarastefnu þessarar er að gera starf hjá HF. Eimskipafélagi Íslands að eftirsóknarverðum kosti fyrir fyrsta flokks starfsfólk og þar með tryggja félaginu stöðu í fremstu röð á alþjóðavettvangi. Til að svo megi verða er nauðsynlegt að stjórn félagsins sé kleift að bjóða samkeppnishæf laun og aðrar greiðslur s.s. kaupauka og kauprétti á alþjóða mælikvarða. 2. gr. Starfskjaranefnd Starfskjaranefnd skal skipuð þremur mönnum sem stjórn félagsins kýs úr sínum röðum. Nefndin starfar samkvæmt sérstöku erindisbréfi. Hlutverk starfskjaranefndar er að vera leiðbeinandi fyrir félagsstjórn og framkvæmdastjórn um starfskjör æðstu stjórnenda félagsins og ráðgefandi um starfskjarastefnu. Skal nefndin jafnframt fylgjast með að starfskjör æðstu stjórnenda séu innan ramma starfskjarastefnunnar og gefa félagsstjórn skýrslu þar um árlega í tengslum við aðalfund félagsins. 3. gr. Starfskjör stjórnarmanna Stjórnarmönnum skal greidd föst mánaðarleg þóknun í samræmi við ákvörðun aðalfundar ár hvert, svo sem kveðið er á um í 79. gr. laga um hlutafélög. Gerir stjórnin tillögu um þóknunina fyrir komandi starfsár og skal í þeim efnum taka mið af þeim tíma sem stjórnarmenn verja til starfans, þeirri ábyrgð sem á þeim hvílir, og afkomu félagsins. Stjórnarmenn skulu fá fasta þóknun fyrir hvern fund sem þeir sitja í undirnefndum stjórnar og skal sú þóknun ákveðin af aðalfundi félagsins. 4. gr. Starfskjör forstjóra Gera skal skriflegan ráðningarsamning við forstjóra. Kjör hans skul ávallt vera samkeppnishæf á alþjóðamarkaði. Fjárhæð grunnlauna og annarra greiðslna til forstjóra skal taka mið af menntun, reynslu og fyrri störfum. Tilgreina skal önnur starfskjör í ráðningarsamningnum, svo sem greiðslur í lífeyrissjóð, orlof, hlunnindi og uppsagnarfrest. Heimilt er að semja við forstjóra um upphafsgreiðslu vegna ráðningar hans að félaginu. Við ákvörðun uppsagnarfrests í ráðningarsamningi má hafa sérstök ákvæði um að uppsagnarfrestur skuli lengjast í hlutfalli við starfstíma forstjóra. Jafnframt skal, í ráðningarsamningi, geta um skilyrði uppsagnar forstjóra. Endurskoða skal grunnlaun forstjóra árlega og skal við slíka endurskoðun höfð hliðsjón af mati starfskjaranefndar á frammistöðu forstjóra, þróun launakjara almennt í sambærilegum fyrirtækjum og afkomu félagsins. Við gerð ráðningarsamnings við forstjóra skal haft að leiðarljósi að ekki komi til frekari greiðslna við starfslok en fram koma í ráðningarsamningi. Heimilt er þó við sérstök skilyrði að mati starfskjaranefndar að gera sérstakan starfslokasamning við starfslok forstjóra. 5. gr. Starfskjör framkvæmdastjóra Forstjóri ræður framkvæmdastjóra félagsins í samráði við stjórn félagsins. Við ákvörðun starfskjara framkvæmdastjóra gilda sömu sjónarmið og rakin eru í 4. gr. 6. gr. Umbun til æðstu stjórnenda Starfskjaranefnd er heimilt að leggja fram tillögu fyrir stjórn félagsins um að umbuna æðstu stjórnendum til viðbótar grunnlaunum í formi afhendingar hluta, árangurstengdra greiðslna, hlutabréfa, kaupréttar, forkaupsréttar og annars konar greiðslna sem tengdar eru hlutabréfum í félaginu eða þróun verðs á hlutabréfum í félaginu, lífeyrissamninga og starfslokasamninga. Við ákvörðun um hvort veita skuli æðstu stjórnendum umbun til viðbótar grunnlaunum skal taka mið af stöðu, ábyrgð, frammistöðu og framtíðarmöguleikum viðkomandi stjórnanda innan félagsins. Við veitingu kaupréttar að hlutum í félaginu skal litið til sambærilegra samninga sem áður hafa verið veittir viðkomandi, hvort sem rétturinn hefur verið nýttur eða ekki. Kaupréttur skal að jafnaði einungis nýtanlegur að þeir sem gert hafa slíka samninga séu í vinnu hjá félaginu þá er kauprétturinn kemur til framkvæmda. 7. gr. Aðrir starfsmenn Við ákvörðun starfskjara annarra starfsmanna skulu framkvæmdastjórar einstakra sviða taka mið af ofangreindum reglum eftir því sem við á. 8. gr. Upplýsingagjöf Á aðalfundi skal stjórn gera grein fyrir kjörum forstjóra, framkvæmdastjóra og stjórnarmanna. Upplýsa skal um heildarfjárhæð greiddra launa á árinu, greiðslur frá öðrum félögum í sömu fyrirtækjasamstæðu, fjárhæð kaupauka og kaupréttar, annars konar greiðslur sem tengjast hlutabréfum í félaginu, starfslokagreiðslur ef einhverjar eru, auk heildarfjárhæðar annarra greiðslna. 9. gr. Samþykkt starfskjarastefnu og fleira Starfskjarastefna félagsins skal tekin til afgreiðslu á aðalfundi og skal hún tekin til endurskoðunar ár hvert og borin undir aðalfund til samþykktar eða synjunar. Er starfskjarastefnan bindandi fyrir stjórn félagsins að því er varðar ákvæði um kaupréttarsamninga og hvers konar samninga eða greiðslur er fylgja þróun verðs á hlutabréfum í félaginu, sbr. 2. mgr. 79. gr. a. hlutafélagalaga. Að öðru leiti er starfskjarastefnan leiðbeinandi fyrir félagið og stjórn þess. Stjórn félagsins skal færa til bókar í fundargerðarbók veigamikil frávik frá starfskjarastefnunni og skulu þau frávik studd greinargóðum rökum. Gera skal grein fyrir frávikum á næsta aðalfundi félagsins. 8. Eftirfarandi tillaga um endurnýjun heimildar stjórnar til kaupa á eigin hlutum var samþykkt: Aðalfundur Hf. Eimskipafélags Íslands haldinn 18. mars 2008, samþykkir, með vísan til 55. gr. hlutafélagalaga nr. 2/1995, að heimila félagsstjórn á næstu 18 mánuðum að kaupa allt að 10% af eigin hlutum. Má kaupverð bréfanna verða allt að 20% yfir meðalsöluverði hluta skráðir í Kauphöll Íslands á næstliðnum tveimur vikum áður en kaup eru gerð. Ekki eru sett lágmörk á heimild þessa, hvorki hvað varðar kaupverð né stærð hlutar sem keyptir eru hverju sinni. Með samþykki þessarar tillögu fellur niður sams konar heimild, sem samþykkt var á síðasta aðalfundi.