Seðlabanki Íslands hefur ákveðið að auka regluleg gjaldeyriskaup bankans af viðskiptavökum á gjaldeyrismarkaði, um ótiltekinn tíma frá og með 31. júlí 2012. Frá septembermánuði árið 2010 hefur bankinn keypt vikulega hálfa milljón evra af hverjum viðskiptavaka á millibankamarkaði með gjaldeyri. Kaupin hafa farið fram á þriðjudögum. Frá og með morgundeginum mun bankinn kaupa 1 milljón evra vikulega af hverjum viðskiptavaka. Aukið innflæði og styrking krónunnar gefa svigrúm til þess að auka nokkuð kaup Seðlabankans. Telur bankinn æskilegt að gjaldeyriskaupin standi undir vaxtagreiðslum vegna erlendra skulda ríkissjóðs og að hlutfall óskuldsetts gjaldeyrisforða hækki til lengri tíma litið.
Þessi tilkynning er upprunalega birt á vefsetri Seðlabanka Íslands. Hún hefur ekki verið birt opinberlega á Evrópska efnahagssvæðinu af hálfu Seðlabanka Íslands, sbr. skilgreiningu laga nr. 108/2007 um verðbréfaviðskipti.
Vísað er til vefseturs Seðlabanka Íslands http://sedlabanki.is