Reykjavík, mánudagur, 3. desember, 2018 -- Nasdaq (Nasdaq:NDAQ) gefur út viðskiptayfirlit mánaðarlega fyrir kauphallir sínar á Norðurlöndunum og í Eystrasaltsríkjunum. Helstu atriði úr viðskiptayfirliti Nasdaq Iceland (Kauphallarinnar) fyrir nóvember 2018 eru eftirfarandi:
Hlutabréf:
- Heildarviðskipti með hlutabréf í nóvember námu 60,0 milljörðum eða 2.729 milljónum á dag. Það er 53% hækkun frá fyrri mánuði, en í október námu viðskipti með hlutabréf 1.787 milljónum á dag. Þetta er 25% hækkun á milli ára (viðskipti í nóvember 2017 námu 2.189 milljónum á dag).
- Mest voru viðskipti með bréf Icelandair Group (ICEAIR), 9,6 milljarðar, Marel (MARL), 9,4 milljarðar, Festi (FESTI), 5,4 milljarðar, Reita fasteignafélags (REITIR), 4,9 milljarðar, og Arion banka (ARION), 3,8 milljarðar.
- Úrvalsvísitalan (OMXI8) hækkaði um 0,5% á milli mánaða og stendur nú í 1.631 stigi.
- Á Aðalmarkaði Kauphallarinnar var Arion banki með mestu hlutdeildina, 24,3% (24,6% á árinu), Landsbankinn með 17,9% (20,2% á árinu) og Íslandsbanki með 17,8% (15,3% á árinu).
- Í lok nóvember voru hlutabréf 23 félaga skráð á Aðalmarkaði og Nasdaq First North á Íslandi. Nemur heildarmarkaðsvirði skráðra félaga 985 milljörðum króna (samanborið við 978 milljarða í október).
Skuldabréf:
- Heildarviðskipti með skuldabréf námu 150,1 milljarði í síðasta mánuði sem samsvarar 6,8 milljarða veltu á dag. Þetta er 50% hækkun frá fyrri mánuði (viðskipti í október námu 4,5 milljörðum á dag), og 14% hækkun frá fyrra ári (viðskipti í nóvember 2017 námu 6,0 milljörðum á dag).
- Alls námu viðskipti með ríkisbréf 110,6 milljörðum, viðskipti með bankabréf námu 28,7 milljörðum, og viðskipti með íbúðabréf námu 5,0 milljörðum. Mest voru viðskipti með RIKB 22 1026 (22,9 milljarðar), RIKB 25 0612 (22,5 milljarðar), RIKB 28 1115 (21,5 milljarðar), RIKB 20 0205 (16,1 milljarður) og RIKB 31 0124 (14,8 milljarðar).
- Á skuldabréfamarkaði var Kvika banki með mestu hlutdeildina 17,5% (14,8% á árinu), Landsbankinn með 15,8% (17,3% á árinu), og Íslandsbanki með 13,9% (16,2% á árinu).
- Aðalvísitala skuldabréfa (NOMXIBB) hækkaði um 1,2% í nóvember og stendur í 1.428 stigum. Óverðtryggða skuldabréfavísitala Kauphallarinnar (NOMXINOM) hækkaði um 1,7% og sú verðtryggða (NOMXIREAL) hækkaði um 0,8%.
Sjá myndir í viðhengi fyrir hlutdeild kauphallaraðila á hlutabréfa- og skuldabréfamarkaði.
Fyrir frekari upplýsingar um tölfræði og tölfræðiáskrift sjá http://www.nasdaqomx.com/transactions/markets/nordic/statistics
#
Um Nasdaq
Nasdaq (Nasdaq:NDAQ) er leiðandi á alþjóðavísu í þjónustu á sviði verðbréfaviðskipta, kauphallartækni, eftirlits, skráninga, upplýsingaþjónustu og þjónustu við skráð fyrirtæki í sex heimsálfum. Nasdaq gerir viðskiptavinum sínum kleift að skipuleggja, hagræða og framkvæma framtíðarsýn sína í viðskiptum af öryggi, með margreyndri tækni sem veitir gagnsæi og innsýn í nútíma alþjóðlega fjármálamarkaði. Nasdaq er frumkvöðull í rafrænum kauphallarviðskiptum, en tækni þess er notuð á yfir 100 mörkuðum í 50 löndum og knýr um það bil ein af hverjum 10 viðskiptum í heiminum. Nasdaq er heimili meira en 4,000 skráðra fyrirtækja að markaðsvirði yfir 15 billjón Bandaríkjadala. Fyrir meiri upplýsingar, heimsæktu http://business.nasdaq.com/
Fyrirvari vegna staðhæfinga um framtíðarhorfur
Þau mál sem hér er skýrt frá taka til staðhæfinga um framtíðarhorfur sem gerðar eru samkvæmt svonefndum Safe Harbor ákvæðum í bandarískum verðbréfalögum frá 1995 (Private Securities Litigation Reform Act of 1995). Þessar staðhæfingar taka meðal annars til en takmarkast þó ekki við staðhæfingar um afurðir og þjónustu Nasdaq. Við minnum á að þessar staðhæfingar eru ekki trygging fyrir framtíðarafkomu. Raunveruleg niðurstaða kann að vera allt önnur en sú sem fram kemur berum orðum eða með öðrum hætti í staðhæfingum um framtíðarhorfur. Í staðhæfingum um framtíðarhorfur eru ýmsir áhættu- og óvissuþættir eða aðrir þættir sem Nasdaq hefur ekki stjórn á. Þessir þættir byggjast á en takmarkast þó ekki við þætti sem gerð er grein fyrir í ársskýrslu Nasdaq á svonefndu Form 10-K og árshlutaskýrslum sem sendar eru til bandaríska verðbréfaeftirlitsins. Við tökumst ekki á hendur neinar skuldbindingar um að endurskoða að neinu leyti staðhæfingar um framtíðarhorfur.
Nasdaq Nordic lýsir sameiginlegri þjónustu Nasdaq Copenhagen, Nasdaq Helsinki, Nasdaq Iceland og Nasdaq Stockholm.
Fjölmiðlasamskipti:
Kristín Jóhannsdóttir
kristin.johannsdottir@nasdaq.com
868 9836