Stjórn Klappa grænna lausna hf. boðar til hluthafafundur í félaginu á starfsstöð félagsins að Austurstræti 17, í fundarsal á 4. hæð, föstudaginn 14. júní 2019, og hefst hann kl. 16:00. Á dagskrá fundarins verða eftirtalin mál:
- Tillaga stjórnar um breytingu á grein 2.01.5 samþykkta félagsins
- Önnur mál sem eru löglega borin fram.
Stjórn leggur til að grein 2.01.5 samþykkta félagsins verði svohljóðandi:
"Hluthafafundur félagsins, haldinn þann 14. júní 2019, samþykkir að veita stjórn félagsins heimild til að hækka hlutafé félagsins í B-flokki hlutabréfa, í áföngum eða í einu lagi, um allt að kr. 50.000.000 (krónur fimmtíu milljónir) að nafnverði. Stjórn félagsins skal annast nánari útfærslu á hækkuninni, þ.m.t. kaupgengi hlutanna og söluskilmála. Stjórn félagsins er heimilt að ákveða að áskrifendur greiði fyrir hina nýju hluti að hluta eða öllu leyti með öðru en reiðufé. Hinir nýju hlutir skulu veita öll sömu réttindi og háðir sömu skilyrðum og kvöðum og aðrir hlutir í almennum flokki hlutabréfa í B-flokki samkvæmt samþykktum félagsins. Hlutirnir veita rétt í félaginu þegar þeir hafa verið greiddir. Hluthafar falla frá forgangsrétti sínum til nýrra hluta, sbr. 34. gr. laga nr. 2/1995 um hlutafélög. Heimild þessi gildir í 18 mánuði frá samþykkt hennar að svo miklu leyti sem hún hefur ekki verið nýtt fyrir það tímamark."
Markmið breytingarinnar er að opna á möguleika félagsins til útgáfu nýrra hluta gegn greiðslu í öðru en reiðufé, t.d. vegna fyrirtækjakaupa eða samruna.
Dagskrá og endanlegar tillögur munu verða hluthöfum til sýnis á skrifstofu félagsins, Austurstræti 17, 5. hæð, tveimur vikum fyrir hluthafafund. Öll gögn verða lögð fram fyrir hluthafa á síðunni www.klappir.is/fjarfestar. Aðgöngumiðar og atkvæðaseðlar verða afhentir á fundarstað frá kl. 15.45. Á hluthafafundum fylgir eitt atkvæði hverri einni krónu í A-flokki hlutabréfa. B-hlutabréf hafa ekki atkvæðarétt.
Stjórn Klappa grænna lausna hf.