Aðalfundur Festi hf. verður haldinn miðvikudaginn 6. mars 2024 klukkan 10:00 í höfuðstöðvum félagsins að Dalvegi 10 – 14, Kópavogi.
Vakin er athygli á uppfærðu orðalagi tillögu undir dagskrárlið nr. 3 sem lýtur að ársreikningi móðurfélagsins og samstæðureikningi félagsins. Jafnframt því er vakin athygli á viðbótartillögu stjórnar undir nýjum dagskrárlið nr. 16 sem varðar tilnefningu utanaðkomandi nefndarmanns í endurskoðunarnefnd félagsins.
Að öðru leyti er um óbreytta dagskrá og tillögur að ræða frá fyrri tilkynningu félagsins sem birt var þann 9. febrúar 2024. Um endanlega dagskrá og tillögur vísast til meðfylgjandi viðhengis.
Líkt og fram kom í tilkynningu 26. febrúar sl. er framboðsfrestur til stjórnar liðinn og hafa eftirtaldir gefið kost á sér til setu í stjórn félagsins:
- Guðjón Auðunsson.
- Guðjón Reynisson.
- Gylfi Ólafsson.
- Hjörleifur Pálsson.
- Margrét Guðmundsdóttir.
- Sigurlína Ingvarsdóttir.
- Þórður Már Jóhannesson.
Samkvæmt samþykktum félagsins skal stjórn skipuð fimm einstaklingum kjörnum á aðalfundi til eins árs í senn. Nánari upplýsingar um frambjóðendur má nálgast á heimasíðu félagsins https://www.festi.is/cc/adalfundur-2024.
Fundargögn og allar frekari upplýsingar varðandi aðalfundinn er hægt að nálgast á heimasíðu félagsins https://www.festi.is/cc/adalfundur-2024.
Nánari upplýsingar veitir Ásta S. Fjeldsted, forstjóri Festi hf. (asta@festi.is).
Viðhengi
