Meðfylgjandi er kynningin frá fjárfestafundi Marel um tækifæri til vaxtar.
Í ár heldur Marel rafræna fjárfestadaga þar sem stjórnendur Marel ásamt sérfræðingum og viðskiptavinum veita einstaka 360° innsýn í starfsemi Marel.
Í dag, 11. nóvember 2021, fer fram rafrænn fjárfestadagur Marel með fjárfestum og markaðsaðilum. Yfirskrift viðburðar dagsins er “Tækifæri til vaxtar” en þar munu lykilstjórnendur Marel, þar á meðal Árni Oddur Þórðarson forstjóri, Linda Jónsdóttir fjármálastjóri og Árni Sigurðsson framkvæmdastjóri stefnumótunar og stefnumarkandi rekstrareininga, fara yfir metnaðarfulla stefnu félagsins um vöxt til næstu ára.
Skráning fer fram hér og er opin öllum. Upptaka af fundinum verður aðgengileg á marel.com/cmd360.
Þessi fjárfestadagur er partur af 360° viðburðaseríu Marel og er annar af fimm rafrænum viðburðum sem fara fram í nóvember og desember, hver með sitt þema.
Fjárfestadagar Marel 360° - viðburðasería
- 7. október – Rafræn heimsókn í höfuðstöðvar Marel og hvítfiskvinnslu Brim
- 11. nóvember – Tækifæri til vaxtar
- 18. nóvember – Sala og þjónusta á heimsvísu
- 2. desember – Stafrænar lausnir
- 9. desember – Sjálfbærni
Fjárfestatengsl
Nánari upplýsingar veita Fjárfestatengsl í gegnum netfangið ir@marel.com og í síma 563 8001.
Samskiptasvið
Fjölmiðlafyrirspurnir skulu sendar á Samskiptasvið Marel í gegnum netfangið globalcommunications@marel.com og í síma 563 8200.
Um Marel
Marel (NASDAQ: MAREL; AEX: MAREL) er í fararbroddi á heimsvísu í þróun og framleiðslu tækja, heildarlausna, hugbúnaðar og þjónustu fyrir matvælavinnslu á kjúklingi, kjöti og fiski. Hjá Marel starfa nú um 7.000 manns í yfir 30 löndum, þar af um 720 á Íslandi. Marel velti 1.238 milljónum evra árið 2020, en árlega fjárfestir félagið um 6% af veltu í nýsköpun og vöruþróun sem styður við aukna hagkvæmni, öryggi og sjálfbærni í matvælavinnslu. Félagið var stofnað 1983, skráð í Kauphöll Íslands árið 1992, og tvíhliða skráð í Euronext kauphöllina í Amsterdam árið 2019.
Viðhengi
