FL Group hefur í dag undirritað 330 milljóna evra lánssamning til þriggja ára við Morgan Stanley (um 28 milljarðar króna). Um er að ræða fjármögnun á hlutabréfaeign FL Group í Glitni banka. Þessi fjármögnun undirstrikar traust FL Group á Glitni banka en nú hefur FL Group fjármagnað með langtímalánum alla hlutafjáreign sína í bankanum, sem er stærsta eign félagsins. Lántakan er um leið glöggt vitni um það ótvíræða traust sem FL Group hefur áunnið sér á alþjóðlegum fjármálamörkuðum. Hannes Smárason, forstjóri FL Group: “Þessi fjármögnun, eykur sveigjanleika FL Group til fjárfestinga til muna og styrkir lausafjárstöðu félagsins enn frekar. Um leið sýnir þetta styrk félagsins til að sækja fjármagn á ólíkum mörkuðum. FL Group átti mjög gott samstarf við Morgan Stanley og lýsir yfir ánægu með árangur þeirrar vinnu. Fjármögnunin undirstrikar jafnframt traust FL Group á Glitni banka til framtíðar og staðfestir áform félagsins um að vera þar áfram kjölfestufjárfestir.“ Frekari upplýsingar veita: Sveinbjörn Indriðason Fjármálastjóri FL Group Sími: 591 4400 Kristján Kristjánsson Forstöðumaður upplýsingasviðs Sími: 591 4427 Um FL Group FL Group er alþjóðlegt fjárfestingarfélag sem sérhæfir sig annars vegar í áhrifafjárfestingum og umbreytingarverkefnum þar sem áhersla er lögð á langtíma fjárfestingar í skráðum og óskráðum félögum og hins vegar í markaðsviðskiptum sem lúta að skammtíma fjárfestingum sem og framkvæmd afleiðu- og verðbréfaviðskipta tengdum eignasafni félagsins. Höfuðstöðvar FL Group eru í Reykjavík en félagið er einnig með skrifstofur í Kaupmannahöfn og London. Það fjárfestir einkum í Norður-Evrópu, aðallega á Norðurlöndum og Bretlandi, en vinnur þó einnig á öðrum mörkuðum. FL Group er skráð á OMX Nordic Exchange í Reykjavík (OMX: FL). Í lok mars 2007 námu heildareignir félagsins 303 milljörðum króna og markaðsvirði þess var 236 milljarðar. Stærstu hluthafar FL Group eru: Gnúpur fjárfestingafélag (20,2%); Oddaflug B.V (19,8%), í eigu Hannesar Smárasonar, forstjóra félagsins; Baugur Group (19,4%) og Icon og Materia Invest (10,7%). Í sumum tilvikum eru hlutir skráðir á nafn íslenskra fjármálafyrirtækja vegna framvirkra samninga. Frekari upplýsingar má finna á www.flgroup.is