Lykiltölur, samstæðureikningur:
• Tap eftir skatta í samstæðureikningum Atorku Group hf., fyrstu 6 mánuði
ársins var 226 milljónir króna.
• Tap á öðrum ársfjórðungi var 685 milljónir króna.
• Tekjur á fyrri helmingi ársins voru 39,1 milljarðar króna.
• Heildareignir samstæðunnar í lok júní voru 99 milljarðar króna.
• Eigið fé var 9,6 milljarðar í lok júní.
• Um 5 milljarða krónu söluhagnaður af sölu Jarðborana kemur fram á þriðja
ársfjórðungi í samstæðureikningi.
• EBITDA félaga í plastiðnaði þ.m.t. Promens á fyrstu 6 mánuðum ársins var
3.253 milljónir króna.
• EBITDA félaga í orku- og verktakaiðnaði þ.m.t. Jarðboranir á fyrstu 6 mánuðum
ársins var 874 milljónir króna.
Lykiltölur móðurfélags:
• Hagnaður eftir skatt á fyrstu sex mánuðum ársins var rúmlega 6 milljarðar
króna.
• Hagnaður eftir skatt á öðrum ársfjórðungi var rúmlega 3 milljarðar króna.
• Heildareignir í lok júní voru 54,8 milljarðar króna.
• Eigið fé var 21,5 milljarðar króna í lok júní.
• Arðsemi eigin fjár nam 70% á ársgrundvelli.
• Eiginfjárhlutfall er 39%
• Hagnaður á hlut á fyrstu 6 mánuðum ársins nam 1,91
Helstu viðburðir
• Allur eignarhlutur í Jarðborunum seldur til Geysir Green Energy. Heildarvirði
(Enterprise Value) sölunnar var 17,7 milljarðar króna. Innleystur hagnaður
frá upphafi fjárfestingarinnar er um 11 milljarðar króna þar af á fjórða
milljarð á öðrum ársfjórðungi í móðurfélagsreikningi.
• Atorka gerðist kjölfestufjárfestir í Geysir Green Energy og keypti 32% hlut.
Kaupverð voru rúmir 7 milljarðar króna.
• Jarðboranir stofnuðu Hekla Energy í Þýskalandi til að mæti aukinni útrás
félagsins. Hekla Energy mun sjá um borframkvæmdir í Þýskalandi og víðar í
Evrópu.
• Jarðboranir stórefldu borflota sinn og festu kaup á 3 hátæknivæddum stórborum
fyrir um 6 milljarða króna til að annast borverkefni erlendis.
• Nýtt skipurit Promens innleitt í júlí til að styðja við frekari samþættingu
og vöxt.
• Promens lauk yfirtöku á plastframleiðslufyrirtækinu Dekoplast í Frakklandi
sem framleiðir umbúðir fyrir snyrtivöru- og lyfjaframleiðendur.
• Eignarhlutur í Amiad var aukinn í 20%. Amiad Filtration er leiðandi á
alþjóðamarkaði í framleiðslu á vatnshreinsibúnaði. Mikill vöxtur er á þessum
markaði og er vaxandi eftirspurn eftir hreinu vatni.
• Þrjú fyrirtæki á heilbrigðismarkaði, Icepharma, Parlogis og Ilsanta voru
seld.
Magnús Jónsson forstjóri Atorku;
„Afkoman á fyrstu 6 mánuðum ársins er mjög góð. Vel heppnuð sala á Jarðborunum
er til vitnis um árangursríka framkvæmd á fjárfestingarstefnu félagsins. Með
sölunni innleysti Atorka verulegan hagnað og fjárhagsstaða félagsins er sterk.
Við erum orðin kjölfestufjárfestir í Geysir Green Energy og teljum það vera
mjög spennandi fjárfestingarkost. Í Geysi Green Energy sjáum við mikil tækifæri
til að skapa veruleg verðmæti með þátttöku í uppbyggingu þess. Önnur
fjárfestingarverkefni Atorku ganga vel, uppbyggingin á Promens gengur vel og
unnið er að undirbúningi fyrir skráningu félagsins. Fjárfestingargeta okkar er
mikil og félagið er í góðri stöðu til að nýta sér markaðsaðstæður sem nú eru
fyrir hendi.“
Nánari upplýsingar veita;
Magnús Jónsson, forstjóri í síma 840 6240
Valdís Arnardóttir, kynningarstjóri í síma 840 6217
Reikninga Atorku Group má finna á heimasíðu félagsins www.atorka.is
Um Atorku Group
Atorka er fjárfestingarfélag sem styður framsækin fyrirtæki, sem njóta góðs af
hnattrænni þróun, til leiðandi hlutverks á heimsvísu. Í fjárfestingum sínum
leggur Atorka áherslu á að rekstur fyrirtækjanna sé öflugur og hafi sterkt
stjórnendateymi og að fyrirtækið starfi við góð skilyrði til verulegs innri og
ytri vaxtar. Gert er ráð fyrir að tímalengd verkefnanna sé um 3-5 ár og að
mikil tækifæri séu til vaxtar og verðmætaaukningar.
