Tilkynnt er hér með um eftirfarandi viðbótarskýringar við ársreikning Tryggingamiðstöðvarinnar hf. 2007 sem birtur var 13. febrúar 2008: 1. Laun til sex fyrrverandi stjórnarmanna, sem setið höfðu í stjórn Tryggingamiðstöðvarinnar á árinu 2007 en höfðu gengið úr stjórninni fyrir lok ársins, voru sem hér segir: Gunnlaugur S. Gunnlaugsson, fv. stjórnarform. kr. 3.400.000 Geir Zoëga, fv. meðstj. kr. 1.700.000 Guðbjörg Matthíasdóttir, fv. meðstj. kr. 1.700.000 Guðmundur Pétur Davíðsson, fv. meðstj. kr. 450.000 Páll Magnússon, fv. meðstj. kr. 1.050.000 Sigurður G. Guðjónsson, fv. meðstj. kr. 2.600.000 2. Störf stjórnar Tryggingamiðstöðvarinnar hf. grundvallast á samþykktum félagsins og starfsreglum stjórnar sem settar eru á grundvelli laga um hlutafélög nr. 2/1995 með síðari breytingum. Starfsreglurnar eru reglulega teknar til endurskoðunar og stjórn félsgsins kappkostar að þær leiði til vandaðra stjórnarhátta. Í því skyni hafa leiðbeinandi tilmæli um stjórnarhætti fyrirtækja sem sameiginlega voru gefin út af Kauphöll Íslands, Samtökum atvinnulífsins og Verslunarráði Íslands í mars 2004 verið höfð til hliðsjónar. Helstu frávik eru að ekki hefur verið skipuð sérstök endurskoðunarnefnd eða starfskjaranefnd. Verkefnum sem þessum nefndum væri annars ætla að sinna er sinnt af stjórninni sjálfri.
Viðbótarskýringar við ársreikning Tryggingamiðstöðvarinnar hf. 2007
| Source: Tryggingamiðstöðin hf.