Helgi Már Björgvinsson, sem verið hefur svæðisstjóri Icelandair fyrir Bretland og Írland hefur verið ráðinn framkvæmdastjóri Markaðs- og sölusviðs Icelandair. Helgi hóf störf hjá Icelandair árið 1999, fyrst sem yfirmaður Icelandair Holidays og síðar sölustjóri fyrir Bandaríkin og Kanada. Árið 2002 varð hann sölu- og markaðsstjóri fyrir Bretland og Írland og 2004 svæðisstjóri fyrir Suður-Evrópu. Helgi hefur verið svæðisstjóri fyrir Bretland og Írland frá 1. maí, 2007. Helgi er með BS gráðu í markaðs- og stjórnunarfræði frá University of South Carolina, Columbia og er að ljúka MBA námi frá ESCP-EAP European School of Management í París. Helgi er 37 ára gamall og er kvæntur Mörtu Jónsdóttur, alþjóðastjórnmálafræðingi hjá UNESCO í París.
- Helgi Már Björgvinsson ráðinn framkvæmdastjóri Markaðs- og sölusviðs Icelandair
| Source: Icelandair Group hf.