Þorsteinn Einarsson umsjónarmaður með nauðasamningsumleitunum Stoða (FL Group hf.) birti eftirfarandi innköllun í Lögbirtingablaðinu í gær: „Innköllun - nauðasamningar Með úrskurði héraðsdóms Reykjavíkur, uppkveðnum þann 6. apríl 2009 var FL Group hf. (Stoðum), kt. 601273-0129, Síðumúla 24, Reykjavík, veitt heimild til að leita nauðasamnings. Hér með er skorað á alla þá, sem telja sig eiga samningskröfur samkvæmt 1. mgr. 29. gr. laga nr. 21/1991 á hendur félaginu, að lýsa þeim fyrir undirrituðum umsjónarmanni með nauðasamningsumleitunum innan fjögurra vikna frá fyrri birtingu þessarar innköllunar. Kröfulýsingar skulu sendar undirrituðum að Aðalstræti 6, 5. hæð, 101 Reykjavík. Fundur verður haldinn með þeim lánardrottnum, sem eiga atkvæðisrétt um samningsfrumvarp skuldarans, í fundarsal Lögmannafélags Íslands að Álftamýri 9, Reykjavík, þriðjudaginn 26. maí 2009, kt. 14:00, til þess að greiða þar atkvæði um frumvarpið. Reykjavík, 8. apríl 2009. Þorsteinn Einarsson hrl.“