Fjarskipti hf. : Síminn hf. krefur Fjarskipti hf. um skaðabætur

Fjarskipti hf. hefur borist krafa frá Símanum um skaðabætur vegna meintrar ólögmætrar notkunar á vörumerkinu Tímaflakk. Krafan er að fjárhæð 400 milljónir króna. Fjarskipti hf. telja ekki grundvöll fyrir kröfunni. Ágreiningur er um skráningu Símans á vörumerkinu sem ekki hefur verið til lykta leiddur. Fyrir liggur nýlegur úrskurður Einkaleyfastofu, frá 12. febrúar 2015, sem kveður á um að skráning Símans á orðmerkinu Tímaflakk skuli halda gildi sínu. Fjarskipti hf. hafa ákveðið að bera úrskurðinn undir áfrýjunarnefnd í vörumerkjamálum. Auk þess telur Fjarskipti hf. fjárhæð bótakröfunnar í engu samræmi við málsatvik og dómafordæmi.