Helstu niðurstöður
- Framlegð af vöru- og þjónustusölu í 2F 2020 voru 5.244 m.kr. samanborið við 5.048 m.kr. í 2F 2019, sem samsvarar 3,9% aukningu milli ára.
- EBITDA nam 1.703 m.kr. á 2F 2020 samanborið við 1.892 m.kr. 2F 2019, sem jafngildir 10% lækkun.
- Lakari niðurstöðu má rekja til áhrifa COVID-19 takmarkana.
- Eigið fé í lok 2F 2020 var 29.274 m.kr. og eiginfjárhlutfall 35,5% samanborið við 35,3% í lok árs 2019.
- Nettó vaxtaberandi skuldir án leiguskulda var 28.569 m.kr. samanborið við 28.011 m.kr. í lok árs 2019.
- EBITDA spá fyrir árið 2020 er óbreytt og er á bilinu 7.100 – 7.700 m.kr.
Eggert Þór Kristófersson, forstjóri Festi:
„Við erum að berjast saman í gegnum heimsfaraldur og í því ljósi erum við mjög ánægð með niðurstöðu annars ársfjórðungs 2020, sem var í takt við okkar væntingar. Öflugt starfsfólk sem stendur vaktina með okkur alla daga á stóran þátt í að rekstur félagsins gekk vel og vil ég þakka því sérstaklega. Um 15% söluaukning var í Krónunni og ELKO á milli ára og rekstur N1 er ásættanlegur þrátt fyrir minni umferð, fækkun ferðamanna og minni umsvif í sjávarútvegi. Kaup okkar á Íslenskri orkumiðlun og Ísey Skyr Bar munu styrkja okkur enn frekar til að sækja fram. Við erum með 35,5% eiginfjárhlutfall og sterkt sjóðstreymi. Horfur í rekstrinum eru góðar og félagið vel í stakk búið til að takast á við verkefnin framundan“ segir Eggert Þór Kristófersson, forstjóri Festi.
Nánari upplýsingar er að finna í afkomutilkynningu í viðhengi.
Attachments
