Kvika banki hf. hefur lokið sölu á skuldabréfum að fjárhæð kr. 2.000.000.000 í nýjum almennum skuldabréfaflokki bankans KVIKA 32 0112. Skuldabréfin eru verðtryggð, til tíu ára og bera fasta 1,4% vexti sem greiddir eru tvisvar á ári.
Skuldabréfin voru seld í lokuðu útboði og stefnt er að töku þeirra til viðskipta á aðalmarkaði Nasdaq Iceland þann 12. desember næstkomandi. Skuldabréfin eru gefin út undir íslenskum útgáfuramma og grunnlýsingu bankans.
Nánari upplýsingar veitir Halldór Karl Högnason, forstöðumaður fjárstýringar í síma 540-3200.
