Meðfylgjandi eru upplýsingar um frambjóðendur til stjórnar félagsins sem kosnir verða á aðalfundinum 17. mars 2022. Framboðsfrestur er útrunninn. Samkvæmt samþykktum félagsins kýs aðalfundur fimm menn í stjórn og tvo til vara og er því sjálfkjörið. Upplýsingar um frambjóðendur eru hjálagt.
Engar breytingar urðu frá áður birtri dagskrá og tillögum fundarins. Endanleg dagskrá og tillögur fundarins eru hjálagt.
Aðalfundur Eimskipafélags Íslands hf. verður haldinn rafrænt og að Sundabakka 2, Reykjavík, fimmtudaginn 17. mars 2022 og hefst kl. 16:30.
Hluthafar eða umboðsmenn hluthafa sem hafa hug á því að sækja fundinn, hvort sem er rafrænt eða á staðnum, þurfa að skrá sig á vefsíðu Lumi eigi síðar en kl. 12.00 þann 16. mars, eða degi fyrir fundardag. Með innskráningu þarf að fylgja mynd af lögmætum skilríkjum (vegabréf eða ökuskírteini) og umboð í tilviki lögaðila. Skráning hjá Lumi er skilyrði fyrir þátttöku í fundarstörfum og miðast mæting við hana hvort sem hluthafar eru á staðnum eða taka þátt með Lumi.
Öll gögn fundarins eru aðgengileg á vefsíðu aðalfundar 2022
Viðhengi
