Í afkomuspá félagsins, sem birt var í maí sl., var gert ráð fyrir að EBITDA hagnaður samstæðu félagsins yrði á bilinu 105–115 milljónir EUR á árinu 2026.
Við vinnu stjórnenda að uppgjöri félagsins eftir fyrstu níu mánuði ársins hefur komið í ljós að afkoma er betri en fyrri áætlanir gerðu ráð fyrir. Þannig er EBITDA hagnaður eftir fyrstu níu mánuði ársins þegar við neðri mörk fyrri afkomuspár fyrir árið í heild.
Gott árferði hefur verið á mörkuðum félagsins auk þess sem veiðar og vinnsla hafa gengið vel á árinu.
Endurskoðuð áætlun stjórnenda félagsins gerir nú ráð fyrir að EBITDA hagnaður ársins verði á bilinu 130 –140 milljónir EUR.
Félagið mun birta níu mánaða uppgjör sitt þann 19. nóvember nk. í samræmi við fjárhagsdagatal félagsins.
Nánari upplýsingar veitir Gunnþór Ingvason, forstjóri Síldarvinnslunnar hf. í síma 470-7000 eða á fjarfestir@svn.is
